27. nóvember - 4. desember - Tbl 48
Ríflega 100 fleiri en í fyrra sækja um aðstoð fyrir jólin hjá Velferðarsjóði
Sigríður M Jóhannsdóttir formaður Mæðrastyrksnefndar á Akureyri og formaður Velferðarsjóðs í Eyjafirði. Um 540 manns sóttu um aðstoð úr sjóðnun nú fyrir jólin.
Um 540 manns sóttu um aðstoð frá Velferðarsjóði Eyjafjarðarsvæðis nú fyrir jólin en lokað hefur verið fyrir úthlutun. Þetta er mun stærri hópur en sótti um aðstoð í fyrra en þá hafði samt orðið talsverð aukning á milli ára. Hægt var í fyrsta sinn nú að sækja um rafrænt og nýttu margir sér þann möguleika.
„Þetta sýnir að staða hefur versnað mikið, það er allt að hækka, húsaleiga, matur, bensín og þjónustu og greinilega er stór hópur í samfélaginu sem á í erfiðleikum með að ná endum saman. Fólk hefur úr minna að spila en áður. Við áttum von á aukningu milli ára í ljósi aðstæðna í samfélaginu en kannski ekki alveg svona mikilli,“ segir Sigríður Magnea Jóhannsdóttir formaður Mæðrastyrksnefndar á Akureyri og formaður Velferðarsjóðs Eyjafjarðarsvæðis. Hún segir að vart hafi verið við mikla aukning í allt haust, fleiri en áður hafi óskað eftir aðstoð undanfarnar vikur.
Alls sóttu 433 um aðstoð fyrir jólin í fyrra en nú eru vel yfir 500 sem sækja um og segir Sigríður Magnea að bæði sé um að ræða einstaklinga og einnig fjölskyldur þannig að mun fleiri séu raunverulega á bak við þessa tölu. Stór hluti hópsins eru öryrkjar eða fólk á framfæri sveitarfélagsins. Dæmi eru þess að sögn Sigríðar Magneu að nokkrir hafi afþakkað aðstoð eftir að ljóst var að ríkið ætlaði að greiða öryrkjum desemberuppbót. „Það útspil hefur greinilega góð áhrif á hópinn,“ segir hún.
Gekk vel að safna
Vel hefur gengið að safna fé og segir hún að fyrirtæki, félög, einstaklingar og stofnanir hafi líkt og undanfarin ár lagt sitt lóð á vogarskálar og fyrir það séu forsvarsmenn Velferðarsjóðsins þakklátir. Formlegri söfnun lýkur á nýju ári.
Óskað var eftir tilboðum frá þremur verslunum á Akureyri, Bónus, Krónunni og Nettó og bauð sú fyrstnefnda mesta afsláttinn þannig að inneignarkort voru keypt þar að þessu sinni. „Við erum að kaupa kort fyrir 15 til 16 milljónir króna fyrir okkar skjólstæðinga,“ segir Sigríður Magnea en kortum með upphæð frá 30 og upp í 50 þúsund er úthlutað og er hún miðuð við stærð fjölskyldna.
Sigríður Magnea segir að auk þess fái þeir sem sóttu um jólaaðstoð inneignarkort hjá Rauða krossinum og Hertex. Þá gefi Samherji umtalsvert magn af fiski sem verður dreift, MS mjólkurvöru rog KS leggi líka sitt af mörkum, m.a. kjöt. „Við höfum heyrt af því að það sé vel í lagt fyrir norðan, en við náum að safna fyrir þessu og viljum hafa þetta svona,“ segir hún. Fjallað er um jólaaðstoðina í prentútgáfu Vikublaðsins sem kemur út á morgun, fimmtudag.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
