13.nóvember - 20.nóvember - Tbl 46
Rétt um 900 skrifuðu undir mótmæli við lokun Glerárlaugar
Margrét S. Kristjánsdóttir, Anna Dóra Gunnarsdóttir og Ásta Sigurðardóttir afhentu Höllu Björk Reynisdóttur undirskriftarlistana í Ráðhúsi Akureyrarbæjar í dag. Mynd MÞÞ
Rétt um 900 manns skrifuðu undir mótmæli gegn því að loka Glerárlaug fyrir almenningi líkt og boðað hefur verið í fjárhagsáætlun Akureyrarbæjar. Með lokun laugarinnar fyrir almenning sparast um 20 milljónir króna í rekstrarkostnað yfir árið.
Þær Margrét S. Kristjánsdóttir, Anna Dóra Gunnarsdóttir og Ásta Sigurðardóttir afhentu Höllu Björk Reynisdóttur undirskriftarlistana í Ráðhúsi Akureyrarbæjar í dag. Fram kom í máli þeirra að söfnunin hafi ekki verið kynnt með neinum hætti og enginn áróður rekin fyrir henni. Listarnir hafi einungis legið frammi á fjórum stöðum í bænum þar sem tryggt var að sóttvarna væri gætt og stóð söfnun undirskrifta yfir í rúma viku.
Í yfirskrif listans segir að ef af lokun fyrir almenning verður gangi það þvert gegn stefnu um heilsueflandi samfélag og lýðheilsu bæjarbúa. „Í nokkra mánuði á þessu ári var ekkert viðunandi aðgengi að lauginni vegna framkvæmda á lóð og aðliggjandi götum,“ segir á undirskriftarlistanum. Og að það hefðir komið sér illa fyrir marga fastagesti og því hafi þess ekki verið að vænta að þangað kæmu þeir sem ekki þekktu til. Laugin er heldur ekki lengur sjáanlegfrá götu og merkingar um hana eru ekki lengur til staðar.
Þeir sem rituðu nöfn sín á listann trúa ekki öðru að sögn þeirra sem afhentu hann en að bæjarstjórn hafi gert mistök og hugmyndinni verði sópað út af borðinu áður en endanleg fjárhagsáætlun verður borin upp til afgreiðslu.
Í versta falli aðeins tímabundin lokun
Halla Björk Reynisdóttir forseti bæjarstjórnar Akureyrar tók við undirskriftarlistunum fyrir hönd bæjarins. Hún sagði að í vinnu við fjárhagsáætlun hafi verið lögð áhersla á að færa reksturinn nær sjálfbærni og öllum steinum hefði verið velt við.
Unnið hefði verið með það að hafa Glerársundlaug einungis opna fyrir hópa og kennslu en loka fyrir almenning. Útfærslu á opnunartíma og athugun á því hvort takmörkuð opnun fyrir almenning sé möguleg sé ekki lokið, „en við bæjarfulltrúar bindum vonir við að ásættanleg lausn finnist og að í versta falli verði fyrirhuguð lokun aðeins tímabundin,“ segir Halla Björk.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
