Minningarorð - Brynjar Elís Ákason
Brynjar Elís Ákason
Þar sem englarnir syngja sefur þú
Sefur í djúpinu væra
Við hin sem lifum, lifum í trú
Að ljósið bjarta skæra
Veki þig með sól að morgni
Veki þig með sól að morgni
Drottinn minn faðir lífsins ljós
Lát náð þína skína svo blíða
Minn styrkur þú ert, mín lífsins rós
Tak burt minn myrka kvíða
Þú vekur hann með sól að morgni
Þú vekur hann með sól að morgni
Faðir minn láttu lífsins sól
Lýsa upp sorgmætt hjarta
Hjá þér ég finn frið og skjól
Láttu svo ljósið þitt bjarta
Vekja hann með sól að morgni
Vekja hann með sól að morgni
Drottinn minn réttu sorgmæddri sál
Svala líknarhönd
Og slökk þú hjartans harmabál
Slít sundur dauðans bönd
Svo vaknar hann með sól að morgni
Svo vaknar hann með sól að morgni
Farðu í friði vinur minn kæri
Faðirinn mun þig geyma
Um aldur og ævi þú verður mér nær
Aldrei ég skal gleyma
Svo vöknum við með sól að morgni
Svo vöknum við með sól að morgni
Höf: Bubbi Morthens.
Núna er erfitt að finna réttu orðin, öfugt við þegar þau Helga giftu sig síðast liðið sumar. Þau voru glæsileg, vel menntuð ung hjón og framtíðin brosti við þeim. Við töldum að ykkur gengi allt að sólu. En í raun vitum við aldrei hvað í annars huga býr.
Brynjar hafði einstaklega góða nærveru, var sérstaklega geðgóður, kurteis og hafði afskaplega smitandi og skemmtilegan hlátur. Brynjar var hjálpsamur og duglegur og vann sín verk af kostgæfni. Þó hann færi ekki hratt yfir var hann ótrúlega verklaginn og verkadrjúgur. Vann sín störf af vandvirkni og nákvæmni.
Þegar hann var vinnumaður hjá okkur á Nípá var hann fljótur að læra nöfn og númer á kúnum enda með eindæmum töluglöggur. Hann var fljótur að læra réttu handtökin við mjaltirnar. Hann sagði færðu þig „Elskan“ og ýtti hraustleg við kúnum á básnum. Þó hann hefði lítið gaman af dýrum eða búskap var hann nærgætin við kýrnar og sýndi þeim tilhlýðilega virðingu
Brynjar hafði mjög gaman af silungsveiði og fór stundum á kvöldin með veiðistöngina niður að á og hafði gaman af því veiða í soðið: „Að draga björg í bú“.
Við höfðum engar áhyggjur af honum á vélum og tækjum vegna þess að hann var enginn glanni, þar hafði skynsemin yfirhöndina eins og vanalega, var gætinn og varkár.
Við erum þakklát fyrir að hafa kynnst Brynjari og haft hann í lífi okkar. Við eigum margar góðar minningar sem við getum huggað okkur við í sorginni.
Brynjar var svo innilega einn af Íslands bestu sonum.
Elsku Helga, Bryndís, Blómasystur, Ásta, Þór og aðrir aðstandendur missir ykkar er mikill en minningin um góðan dreng mun lifa í huga okkar allra.
Dísa og Kári bóndi á Nípá.
Nýjast
-
Hollvinir SAk gáfu tækjabúnað fyrir nær 62 milljónir
Á árinu 2024 gáfu Hollvinir Sjúkrahúsinu á Akureyri tækjabúnað að andvirði tæplega 62 milljóna króna. Gjafirnar bæta starfsaðstöðu starfsfólks SAk og gerir þeim kleift að bæta þjónustu við sjúklinga. -
Minningarorð - Brynjar Elís Ákason
Brynjar Elís Ákason. Þar sem englarnir syngja sefur þúSefur í djúpinu væraVið hin sem lifum, lifum í trúAð ljósið bjarta skæraVeki þig með sól að morgniVeki þig með sól að morgniDrottinn minn faðir lífsins ljósLát náð þína skína svo blíðaMinn styrkur þú ert, mín lífsins rósTak burt minn myrka kvíðaÞú vekur hann með sól að morgniÞú vekur hann með sól að morgniFaðir minn láttu lífsins sólLýsa upp sorgmætt hjartaHjá þér ég finn frið og skjólLáttu svo ljósið þitt bjartaVekja hann með sól að morgniVekja hann með sól að morgniDrottinn minn réttu sorgmæddri sálSvala líknarhöndOg slökk þú hjartans harmabálSlít sundur dauðans böndSvo vaknar hann með sól að morgniSvo vaknar hann með sól að morgni Farðu í friði vinur minn kæriFaðirinn mun þig geymaUm aldur og ævi þú verður mér nærAldrei ég skal gleymaSvo vöknum við með sól að morgniSvo vöknum við með sól að morgni Höf: Bubbi Morthens. -
Margir kórfélagarfélagar sungið saman í áratugi
Kirkjukór Húsavíkur er einn af hornsteinum menningar í bænum -
Birkir Blær yfirgefur Universal og freistar gæfunnar á eigin vegum
„Eftir samskipti mín við Universal og reynslu margra annarra tónlistarmanna sem ég þekki hef ég tekið þá ákvörðun að vera sjálfstæður. Fyrir mig er það einfaldara en fyrir marga aðra, því ég spila á öll hljóðfæri sjálfur, tek upp, útset og hljóðblanda allt sjálfur,» segir Birkir Blær Óðinsson 25 ára tónlistarmaður frá Akureyri og Eyjafjarðarsveit sem hefur sagt skilið við Universal útgáfufyrirtækið og hyggst freista gæfunnar á eigin vegum. -
Kaffipressan kaupir Kaffistofuna
Kaffipressan hefur keypt rekstur handverkskaffibrennslu Kaffistofunnar en Kaffistofan hefur sérhæft sig í þróun og sölu á handverkskaffi á Íslandi allt frá stofnun fyrirtækisins í ársbyrjun 2022. -
Grófin Geðrækt komin í nýtt húsnæði
Grófin Geðrækt flutti í nýtt húsnæði í nóvember á liðnu ári eftir að upp kom mygla í húsnæðinu þar sem hún áður var. Einstaklingar voru farnir að finna fyrir miklum einkennum vegna mylgunnar og því bráðnauðsynlegt að koma starfseminni fyrir á nýjum stað hið fyrsta. Nýverið var opið hús á nýja staðnum sem er ekki ýkja langt frá þeim fyrri, en nú hefur Grófin Geðrækt komið sér vel fyrir við Hafnarstræti 97, á efstu hæð hússins og hægt að koma þar að hvort heldur sem er með lyftu frá göngugötunni eða fara um Gilsbakkaveg. -
Listasafnið á Akureyri: Nýtt sýningaár formlega hafið
Á kynningarfundi sem haldinn var í Listasafninu á Akureyri í gær var dagskrá ársins 2025, ný árbók og komandi starfsár kynnt. Einnig var formlega tilkynnt um útgáfu sérstakrar bókar um sýningaröðina Sköpun bernskunnar, þar sem skólabörn og starfandi listafólk leiða árlega saman hesta sína í Listasafninu. Árbók safnsins er nú öllum aðgengileg og gjaldfrjáls í anddyri safnsins auk valdra staða á Akureyri -
Sala Húsavíkurgjafabréfa eykst á milli ára
Á stjórnarfundi Húsavíkurstofu fyrir skemmstu var farið yfir uppgjör á sölu á Húsavíkurgjafabréfunum sem hafa notið vinsælda í jólapökkum Húsavíkinga undanfarin ár en salan bréfanna hefur aukist á milli ára. -
Norðurorka - Ný og stærri dæla sett upp á Reykjum
Ný og stærri dæla var á dögunum sett upp á vinnslusvæðinu á Reykjum í Fnjóskadal. Hún eykur dælugetuna og þar með afhendingaröryggi veitunnar sem er með lengri hitaveitum landsins.
