13.nóvember - 20.nóvember - Tbl 46
Rafskútuleiga opnar á Akureyri
Rafhlaupahjól njóta vaxandi vinsælda.
Akureyrarbær og fyrirtækið Hopp hafa gert þjónustusamning um stöðvalausa rafskútuleigu á Akureyri. Stefnt er að því að hefja starfsemi leigu með 65 rafskútum í apríl. Fram kemur á vef Akureyrarbæjar að markmið bæjarins með þessu sé að styrkja net almenningssamgangna og auðvelda íbúum og gestum að komast ferða sinna innanbæjar með umhverfisvænum hætti. Aðrar aðgerðir sveitarfélagsins í þessa veru, sem unnið er að um þessar mundir, eru til dæmis endurskoðun á leiðaneti Strætisvagna Akureyrar og uppbygging á aðlaðandi og skilvirku stígakerfi samkvæmt nýju skipulagi.
Vikublaðið greindi fyrst frá þessu í haust og ræddi þá við Axel Albert Jensen sem hefur í samstarfi við Hopp í Reykjavík og Akureyrarbæ unnið að því í vetur að koma upp rafskútuleigu í bænum. Um er að ræða stöðvalausa hjólaleigu og munu gilda sömu reglur og í Reykjavík þar sem nokkur reynsla er komin á slíka starfsemi undir merkjum Hopp.
Mikil aukning hefur orðið á stöðvalausum rafhlaupahjólum í evrópskum borgum undanfarið sem umhverfisvænn kostur til að fara styttri leiðir og hafa rafskúturnar verið að ryðja sér til rúms hér á landi. Axel sagði að bæjarbúar þurfi ekki að óttast að fara upp brekkurnar á hjólunum; þau verði nægilega öflug.
Fyrirkomulag rafskútuleigunnar verður þannig að fólk notar smáforrit (app) til að finna næsta lausa hjól, aflæsir því, leggur af stað og skilar því svo aftur á svæðum þar sem það er heimilt. Fyrir þjónustuna greiðir notandi upphafsgjald og mínútugjald samkvæmt verðskrá fyrirtækisins.
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
