13.nóvember - 20.nóvember - Tbl 46
„Ráðherrar jóðla í sama farinu áratugum saman án þess að bregðast við“
Samsett mynd: Haukur Eiðsson og Húsavíkurhöfn. /epe
Smábátaeigendur á Húsavík vilja að byggðarráð Norðurþings beiti sér fyrir því að dregin verði lína þvert yfir mynni Skjálfandaflóa, svo takmarka megi dragnótaveiðar nærri landi. Þeir telja að veiðislóðin þoli ekki ágengnina sem fylgi slíkum veiðarfærum og óttast þeir að fiskistofnar þurrkist upp verði ekkert að gert. Áríðandi sé að lokunin taki strax gildi út ágúst og í framhaldinu 1.september ár hvert fyrir hvert fiskveiðiár.
Byggðarráð Norðurþings tók fyrir erindi frá Hauki Eiðssyni f.h. smábátaeigenda á Húsavík þar sem skorað er á ráðið að beita sér gegn heimild til veiða með dragnót í Skjálfanda.
Byggðarráð tók vel í erindið og hefur falið sveitarstjóra að koma á fundi með sjávarútvegsráðherra hið fyrsta um að takmarka veiðarnar. Kristján Þór Magnússon sveitarstjóri hafði ekki náð á nafna sinn ráðherrann við vinnslu fréttarinnar.
Vill að ráðherra bregðist við
Haukur Eiðsson segir í samtali við Vikublaðið að ef ekki verði brugðist við muni hrygningarstöðvarnar þurrkast upp í flóanum. „Þetta snýst um það í grunninn að maður horfir á hvern ráðherrann á fætur öðrum og þeir bregðast aldrei við einu eða neinu,“ segir hann.
„Að undanförnu hafa stór dragnótaskip verið að veiðum í Skjálfanda á hefðbundinni veiðislóð smábáta. Skip að stærðinni 283 brúttótonn með gríðarlega toggetu og veiðarfærið útbúið til bolfiskveiða á ekkert erindi á grunnslóð. Afkastageta þess er í þriðja veldi á við það veiðarfæri sem miðað var við þegar undanþága var gerð fyrir dragnót til veiða í fiskveiðlandhelgi Íslands. Jafnframt var litið til þess að veiðarfærið væri kjörið til veiða á flatfiski þegar undanþágan var veitt,“ segir Haukur jafnframt og bætir við að veiðislóðin þoli ekki þá ágengni sem beitt er með nútíma dragnót sem sniðin er fyrir bolfiskveiðar.
Þurrka upp hrygningarstofna
Í erindinu segir að á síðast ári hafi reglugerð þess efnis að dragnóta bátar skyldu halda sig innan ákveðins svæðis verið breytt. Nú megi þeir veiða hringinn í kringum landið. Þetta hafi orðið til þess að fimm öflugustu dragnóta bátar landsins veiddu í Skjálfandaflóa svo mánuðum skipti síðast liðið haust. Að mati smábátasjómanna kláruðu þeir hrygningarstofn ýsu í flóanum og fóru langt með þorskstofninn líka.
Vongóður en ekki bjartsýnn
Haukur segir að ráðherra sjávarútvegsmála verði að bregðast við. „Núverandi sjávarútvegsráðherrra er náttúrlega hliðhollur stórútgerðinni, það hafa staðið að honum öll spjót með það. Hann kórónaði það alveg í fyrra þegar hann opnaði svæðin upp á gátt fyrir þessa báta. Áður var þetta þó hólfaskipt. Hann lætur þarna undan þrýstingi og nú fara þessir snurvoðabátar flóa úr flóa hringinn í kringum landið og það er bara eyðimörk eftir þá,“ segir hann og bætir við að þessi veiðarfæri eigi ekki heima upp í fjörum.
„Við erum að tala um allt upp í 300 tonna báta og þeir útrýma hverjum einasta fiski og flóarnir sitja uppi með engan hrygningarfisk að vori. Maður er búinn að vera í þessu í yfir 20 ár og áhrifin eru greinileg,“ útskýrir Haukur. „Á meðan ekkert gengur að byggja upp fiskistofnana, þá jóðla ráðherrar áratugum saman í sama fari og enginn bregst við.“
Haukur segist þó ekki bjartsýnn á viðbrögð ráðherra. „Ekki miðað við verk hans hingað til. Auðvitað verður maður að vera vongóður en ég er ekki bjartsýnn samt,“ segir hann að lokum.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
