Óvissa veldur mörgum kvíða
“Við finnum fyrir vaxandi kvíða hjá okkar fólki. Menn velta fyrir sér hvað haustið og ekki síst komandi vetur beri í skauti sér og hvaða snúningar hugsanlega verða í atvinnulífinu á svæðinu,” segir Björn Snæbjörnsson formaður Einingar-Iðju.
Björn segir að nýjar reglur við landamæraskimun, tvöföld sýnataka og sóttkví á milli muni hafa slæm áhrif á ferðaþjónustuna og valda samdrætti. Ómögulegt væri að segja fyrir nú hversu mikil keðjuverkunin verður í kjölfarið á þeim samdrætti. “Það er mikil óvissa núna um hvenig þetta getur þróast, gera má ráð fyrir að dragist töluvert saman en óvíst enn hversu mikið. Þessi óvissa veldur fólki kvíða og það er vitanlega afleitt ástand,” segir hann.
Björn segir að í vor hafi allt eins verið gert ráð fyrir að róður yrði þungur nú í sumar, en niðurstaðan hins vegar orðið betri. “Við gerðum ráð fyrir meiri samdrætti í ferðaþjónustu, en sem betur fer voru landsmenn mikið á faraldsfæti og gerðu ágætlega við sig á ferðalögum sínu. Í heild hefur sumarið komið betur út en við þorðum að vona. Það er gleðilegt,” segir hann.
Fyrirsjáanlegur samdráttur þegar kemur fram á haustið
Hátt hlutfall starfa á Eyjafjarðarsvæðinu tengist matvælaiðnaði og fiskveiðum og vinnslu, þar sem ákveðin stöðugleiki ríkir. “Við hér á svæðinu náum aldrei upp í hæstu hæðir, þannig að dýfur á vinnumarkaði koma yfirleitt ekki eins harkalega niður og víða annars staðar þar sem atvinnulíf er byggt upp á annan hátt,” segir Björn. Þá eru einnig tiltölulega mörg störf á opinberum vettvangi á svæðinu, bæði á vegum ríkis og sveitarfélaga. Þá nefnir hann að ágætt líf sé í byggingaiðnaði. Atvinnuleysi sé vissulega fyrir hendi hér um slóðir og fyrirsjáanlegt að það aukist eitthvað með haustinu. Atvinnuleysi hefur ekki bitnað í sama mæli á útlendingum á svæðinu og það gerir víða annars staðar. Skýring á því er m.a. að þeir eru áberandi margir að störfum í matvælaiðnaði og fiskvinnslum. “Það er ákveðið öryggi fyrir hendi hér á svæðinu þegar kemur að atvinnumálum, en við eigum ekki von á öðru en samdráttur verði þegar kemur fram á haustið á einhverjum sviðum,” segir hann.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
