„Ótrúlegur skilningur á erfiðum og viðkvæmum aðstæðum„
Stærri hjónavígsluathöfnum hefur í nokkrum mæli verið slegið á frest nú eftir að reglur um samkomuhald voru hertar og markið sett við að ekki komi fleiri en 100 manns saman. Aðrir halda sínu striki með þeim takmörkunum sem í gildi eru.
Svavar A. Jónsson sóknarprestur í Akureyrarkirkju segir að fermingar hafi farið fram í smærri hópum en algengt að beðið sé með veisluna þar til síðar. „Ég fermdi nýlega fjórar vinkonur sem óskuðu sjálfar eftir því að athöfnin færi fram. Vinkona þeirra spilaði á fiðlu í athöfninni og þær buðu nánustu fjölskyldu. Óvíst var um veisluhöld af þessu tilefni. Kirkjuathöfnin skipti þessar fjórar vinkonur miklu máli og ég held að þannig sé nú um fleiri,”segir Svavar. „Ég hef lengi pirrast á þeirri klisju að ungmenni láti bara ferma sig fyrir veisluna og gjafirnar. Eflaust er það eitthvað misjafnt en mín reynsla er sú að flest barnanna taka þessu af mikilli alvöru og mér sárnar fyrir þeirra hönd þegar annað er gefið í skyn.“
80 manns komast fyrir í Akureyrarkirkju með tveggja metra reglu
Svavar segir að í langflestum kirkjum setji tveggja metra nálægðarreglan athöfnunum meiri skorður en 100 manna takmörkunin á fjölda. Sé fyrri reglunni fylgt komast t. d. ekki nema um það bil 80 manns fyrir í Akureyrarkirkju.
Svavar segir það í einhverjum tilfellum nægja, en til að mynda bjargi streymi miklu fyrir marga þegar að útförum kemur.
„Mér finnst fólk sýna ótrúlegan skilning í mjög erfiðum og viðkvæmum aðstæðum. Ég vil hrósa því og líka starfsfólki kirknanna og útfararþjónustu sem reynir eins og hægt að koma til móts við skjólstæðinga sína. Ég er stundum hissa á því hversu vel fólk tekst á við þessar einkennilegu aðstæður. Í sorginni höfum við sérstaka þörf fyrir hvert annað og þessar takmarkanir eru ekki síst tilfinnanlegar fyrir syrgjendur.“
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
