Ótækt annað en setja upp óperur í svona mögnuðu menningarhúsi
„Það er óhætt að segja að þetta fari vel af stað, uppselt á sýninguna á laugardag og örfá sæti laus á sunnudag, þannig að Akureyringar og nærsveitarmenn hafa svo sannarlega tekið vel í þetta sögulega samstarf Íslensku óperunnar og Menningarfélags Akureyrar um samstarf við uppfærslu á óperunni La Traviata,“ segir Þorvaldur Bjarni Þorvaldsson tónlistarstjóri Menningarfélags Akureyrar í viðtali við Vikublaðið sem kom út á fimmtudag. En húsfyllir var á báðar sýningar.
Óperan La Traviata eftir Verdi var flutt tvívegis í Hofi um helgina. Hún var flutt í Hörpu helgina áður. Sinfóníuhljómsveit Norðurlands sér um hljómsveitarleikinn bæði norðan og sunnan heiða undir stjórn finnska hljómsveitarstjórans Anna-Maria Helsing sem áður hefur unnið með SN. Kór Íslensku óperunnar og dansarar koma einnig fram í sýningunni. Kórstjóri er Magnús Ragnarsson
Sýningum á óperunni var hætt vorið 2019 en þráðurinn nú tekin upp að nýju. Herdís Anna Jónasdóttir syngur aðalhlutverkið sem fyrr, en hún hlaut Grímuverðlaun sem söngvari ársins fyrir túlkun sína á hlutverki Violettu. Óperan La Traviata var frumflutt í Feneyjum árið 1853, hét upphaflega Violetta eftir aðalpersónunni og þykir eins sú fallegast sem samin hefur verið.
Fór að skoða hvaða möguleikar væru fyrir hendi
„Í fyrsta samkomubanninu í mars í fyrra fór ég að hugsa hvað Menningarfélag Akureyrar gæti lagt af mörkum til að skapa grundvöll fyrir óperuflutning í fullri stærð á Akureyri. Ég sendi út smákönnun á Fésbók um áhuga á stofnun Óperunnar á Akureyri og viti menn, það var bara heilmikið fjör þannig að ég fór fyrir alvöru að skoða hvaða möguleikar væru fyrir hendi,“ segir Þorvaldur Bjarni, en málið endaði með sögulegu samstarfi Íslensku óperunnar og Menningarfélags Akureyrar/Sinfóníuhljómsveitar Norðurlands um flutning á La Traviata í Hörpu 6.nóvember og Hofi 13. nóvember.
Frábær umgjörð í Hofi
„Það er í raun ótækt að vera með svona magnað menningarhúsi eins og Hof og setja þar ekki upp óperur,“ segir hann. Og bendir á að þar búi sinfóníuhljómsveit, þar sé hljómsveitargryfja, leikmyndageymsla, djúpt svið, búningsherbergi fyrir fjölda manns og frábær hljómburður. „Allt þetta býr til umgjörð sem gerir okkur kleift að halda þar alvöru ballett, óperur og söngleikjasýningar. Samfélagið hér fyrir norðan hefur kveðið upp sinn dóm. Nær þúsund manns keyptu sér miða á óperuna og um það bil 100 listamenn og tæknifólk fékk vinnu við að flytja þetta magnaða listaverk í turnunum tveimur, Hofi og Hörpu.“
Þorvaldur Bjarni telur að ÓA- Ópera Akureyrar verði kannski einhvern tíma að veruleika, en þangað til vilji MAk tryggja að fyrsta flokks óperuflutningur sé í boði árlega í samstarfi við sérfræðinga á því sviði.
/MÞÞ
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
