13.nóvember - 20.nóvember - Tbl 46
Öryggismál að banna hjólreiðar í Vaðlaheiðargöngum
Vaðlaheiðargöng.
Töluverðar umræður hafa verið um hjólreiðar í Vaðlaheiðargöngum undanfarna daga en ekki er leyfilegt að hjóla í gegnum göngin. Vaðlaheiðargöng og Hvalfjarðargöng eru einu göngin á landinu sem banna hjólreiðar. Oddur Helgi Halldórsson, fyrrum bæjarfulltrúi á Akureyri og baráttumaður fyrir Vaðlaheiðargöngum á sínum tíma, vakti athygli á málinu er hann skrifaði grein í blaðið nýverið þar sem hann gagnrýndi mjög að ekki sé leyfilegt að hjóla í gegnum göngin.
Spurður út í málið segir Valgeir Bergmann Magnússon framkvæmdastjóri Vaðlaheiðarganga að þetta snúist aðallega snúast um öryggismál. „Göngin eru hönnuð fyrir ökutæki en ekki göngu og hjólreiðar. Þetta er fyrst og fremst öryggismál fyrir þá sem nota göngin og ekki síður fyrir þá sem eru hjólandi og geta ekki haldið meðalhraða sem er um70 km/klst í gegnum göngin,“ segir Valgeir í samtali við Vikublaðið.
Umferðarþunginn mun meiri en í öðrum göngum
Valgeir tekur það fram að umferðaþungi í Vaðlaheiðargöngum sé þrefalt meiri en t.d. Héðinsfjarðargöng og Norðfjarðargöng. „Ef Vaðlaheiðargöng hefðu verið hönnuð með það í huga að leyfa einnig hjóla- og gangandi umferð í gegnum þau samhliða bílaumferð hefðu þau verið hönnuð öðruvísi og kostnaður verið mun meiri. Göngin hefðu þurft að vera breiðari og með vegrið á milli, lýsing hefði þurft að vera meiri, kröfu til loftgæða meiri sem leiðir til fleiri mengunarnema og fleiri blásara því það er alls ekki heilsusamlegt að anda að sér loftinu í göngunum.“
Greiða fyrir styttri og öruggari leið
Valgeir bendir einnig á að göngin séu gjaldskyld og ökumenn borgi fyrir styttri, fljótlegri og öruggari leið. „Þú færð alls ekki meira öryggi sem ökumaður ef hjólreiðar yrðu leyfðar og sömuleiðis myndi þetta skapa hættu fyrir hjólreiðarfólk. Hjólreiðar auka hættuna á framúrakstri í göngunum og sem getur leitt af sér alvarlega slys ef bílar úr gagnstæðri átt mætast inn í göngum. Ólíkt mörgum öðrum göngum sem ekki bjóða upp á aðrar leiðir bendir Valgeir á að það sé til fleiri leiðir, t.d. Víkurskarðið eða gamla leiðin yfir heiðina sem býður upp á stórkostlegt útsýni í góðu veðri. Vegagerðin og lögreglan hefðu líklega aldrei samþykkt að banna hjólreiðar nema aðrar leiðir væru í boði.“ Valgeir tekur skýrt fram að hann skilji það sjónarmið að leyfa hjólreiðar í göngunum og að umræðan eigi sannarlega rétt á sér. „En ég sé ekki fyrir mér að það hjólreiðar verði leyfðar í göngunum.“
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
