Opnar stöðvalausa leigu á rafhlaupahjólum á Akureyri
Axel Albert Jensen vinnur að því í samstarfi við Hopp í Reykjavík og Akureyrarbæ að koma upp rafskútuleigu á Akureyri næsta vor. Um er að ræða stöðvalausa hjólaleigu og munu gilda sömu reglur og í Reykjavík þar sem nokkur reynsla er komin á slíka starfsemi undir merkjum Hopp.
Mikil aukning hefur orðið á stöðvalausum rafhlaupahjólum í evrópskum borgum undanfarið sem umhverfisvænn kostur til að fara styttri leiðir og hafa rafskúturnar verið að ryðja sér til rúms hér á landi. „Við finnum fyrir áhuga á þessu og erum að gera ráð fyrir opnun í byrjun apríl á næsta ári en það fer auðvitað allt eftir tíðarfari.,“ segir Axel í samtali við Vikublaðið. Byrjað verður á 60 hjólum til leigu. „Svo getum við bætt við hjólum ef svo ber undir.“
Umhverfisvænt og drífur upp brekkurnar
Axel segist hafa fengið hugmyndina ásamt félaga sínum fyrir ekki margt löngu um að koma upp stöðvalausri leigu hér fyrir norðan þar sem um umhverfisvænan samgöngumáta er að ræða. Hann segist bjartsýnn á að rafhlaupahjólin verði vinsæl á Akureyri og segir jafnframt að bæjarbúar þurfi ekki að óttast að fara upp brekkurnar á hjólunum; þau verði nægilega öflug.
Axel Albert Jensen
„Ég held að þetta eigi eftir að slá í gegn og trúi ekki öðru. Hér eru stuttar vegalengdir og þetta er því alveg sniðið fyrir fólk sem getur t.d. notað þetta til og frá vinnu eða til að komast á milli staða á ódýran og umhverfisvænan máta.“ Margir spyrja sig eflaust hvernig rafhlaupahjólin munu virka í brekkunum í bænum en Axel segir hjólin standast vel það álag. „Við fengum hjól til að prufa brekkurnar og það virkaði mjög vel. Rafhlaupahjólin sem við fáum verða af nýrri kynslóð með meiri drægni og öflugri fyrir brekkurnar hér á Akureyri.“
Ódýr valkostur
Um ódýran valkost verður að ræða en startgjaldið verður 100 krónur og svo 30 kr. hver mínúta. „Ef þú þarft að skjótast eitthvað af hjólinu, t.d. inni í bakarí eða búð, geturðu stöðvað tækið, haldið því fráteknu og þá er biðtíminn 20 kr. hver mínúta,“ segir Axel. Hægt verður að ná í app í símann til að virkja leiguna og einnig verður hægt að sjá laus hjól í nágrenninu í gegnum appið og taka hjól frá. „Þá hefurðu korter til að komast að hjólinu. Sama kerfi og er í Reykjavík verður á Akureyri, Þannig að þetta verður mjög þægilegt.“
Rafhlaupahjól njóta vaxandi vinsælda
Axel segir að höfðað verði til samvisku fólks þegar kemur að því að ganga vel um rafhjólin. „En ef það verða einhverjir sem ganga illa um þetta og skilja hjólin t.d. eftir í görðum eða slíkt þá verðum við með þjónustubíl sem kippir því strax í liðinn. Þannig að það verður fullt eftirlit með þessu,“ segir Axel.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
