Lenti í rútuslysi,,Mest ánægður með að mamma lenti ekki í þessum ósköpum"
„Ég tók sætið hennar mömmu í þessari ferð, hún ætlaði að fara en breytti um kúrs og fór annað og ég hoppaði inn í staðinn. Ég er mest ánægður með að mamma lenti ekki í þessum ósköpum,“ segir Ólafur Aron Pétursson starfmaður á búsetukjarni við Sporatún sem var einn þeirra starfsmanna Akureyrarbæjar sem lenti í rútuslysi skammt sunnan við Blönduós í liðinni viku. Hópurinn var að koma heim eftir ráðstefnuna Þjónandi leiðsögn sem haldin var í Portúgal. Ríflega 20 manns voru um borð þegar rútan valt og rann eftir þjóðveginum. Þeir sem voru mest slasaðir voru fluttir með þyrlu á Landspítala og með sjúkraflugi.
Ólafur Aron hefur haft hægt um sig frá því óhappið var og er stífur í öxl, baki og hálsi. Hann var með talsvert af glerbrotum í líkamanum eftir slysið líkt og flestir sem voru um borð í rútunni.
„Ég var sofandi þegar óhappið varð, en vaknaði upp við hróp og köll og fann að rútan rásaði á veginn og valt síðan. Ég geri mér ekki grein fyrir hvað þetta var langur tími, einhverjar sekundur líklega, en maður gat ekkert gert á meðan nema vona það besta.“ segir hann um upplifun af slysinu. Hann nefnir að verr hefði getað farið, en hár bakki er fram af veginum vinstra megin við og hefði vart þurft að spyrja að leikslokum ef rútan hefði húrrað niður þar megin. „Ég er þakklátur fyrir að þetta fór ekki á versta veg og allir sluppu lifandi frá þessu,“ segir Ólafur Aron.
Reyndu að hjálpa hvert öðru
Eftir að rútan stöðvaðist og fólk fór á stjá var farið að huga að þeim sem mest voru slasaðir og segir hann að bundið hafi verið um opin sár og beinbrot áður en fyrstu viðbragðsaðilar komu á vettvang. „Fólk var alveg í sjokki en það gerðu allir sitt besta til að hjálpa hvert öðru, þeir sem voru í standi til þess. Mér fannst fyrstu menn á vettvang vera mjög fljótir að koma, ég upplifði þetta ekki sem langa bið. Vinnubrögðin á vettvangi voru mjög fagmannleg og traustvekjandi,“ segir hann.
Ólafur Aron fór ásamt fleirum á Heilsugæslustöðina á Blönduósi og þar voru glerbrot plökkuð úr honum en síðan lá leiðin með bílum björgunarsveita til Akureyrar og höfðu allir farþegar um borð viðkomu á bráðadeild Sjúkrahússins á Akureyri þar sem hugað var að frekari meiðslum þeirra. „Eftir þá heimsókn fór ég bara heim og hef verið að jafna mig síðan. Ég er aðeins lemstraður enn þá en held að þetta komi allt saman,“ segir hann.
Ólafur Aron skarst nokkuð eins og sjá má.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
