30. október - 6. nóember - Tbl 44
Ófremdarástand á leigumarkaði á Akureyri
Algert ófremdarástand ríkir á leigumarkaði á Akureyri um þessar. Mikil eftirspurn er eftir íbúðum en framboðið lítið sem leiðir til þess að verð hefur hækkað umtalsvert að undanförnu. Fasteignasalar fá fjölda fyrirspurna frá fólki og einnig opinberum aðilum, ríki og bæ sem leita eftir íbúðum m.a. fyrir flóttafólk.
Algert ófremdarástand ríkir á leigumarkaði á Akureyri um þessar. Mikil eftirspurn er eftir íbúðum en framboðið lítið sem leiðir til þess að verð hefur hækkað umtalsvert að undanförnu. Fasteignasalar fá fjölda fyrirspurna frá fólki og einnig opinberum aðilum, ríki og bæ sem leita eftir íbúðum m.a. fyrir flóttafólk.
Arnar Birgisson hjá Eignaver segir ýmsar ástæður fyrir því að staðan á leigumarkaði sé erfið. Ein sé að erlent starfsfólk komi í hópum í bæinn til að vinna við ferðaþjónustu nú í sumar og leiti að herbergjum og litlum íbúðum, það skapi ákveðinn þrýsting á markaðinn. Í kóvidfaraldrinum voru margar íbúðir teknar út úr Air bnb kerfinu en þær séu nú aftur komnar þangað inn og í kjölfarið minnki framboð talsvert. „Staðan er sú að eftirspurn eftir húsnæði er mjög mikil en framboðið lítið og í samræmi við eðli markaðarins hækkar verðið og það er einmitt það sem er að gerast núna,“ segir hann. „Það er mikill skortur á íbúðum og í raun má segja að ástandið sé skelfilegt.“
Arnar segir að þeir sem mögulega geti keypt eignir reyni það, en háir vextir gerir mörgum erfitt fyrir. „Fólk sem vill kaupa er margt hvert neytt inn á leigumarkaðinn, háir vextir og hertar reglur gera það að verkum. Það er kerfisvilla í gangi, ástandið lagast ekki fyrr en við hendum okkar verðtryggðu krónu út í hafsauga,“ segir hann.
Sjaldnast jafnvægi á leigumarkaði
Arnar Guðmundsson hjá Fasteignasölu Akureyrar segir að sjaldnast sé jafnvægi á leigumarkaði, eftirspurn sé mismikil sem og framboð á eignum. Nú sé staðan sú að eftirspurn sé mjög mikil eftir leiguhúsnæði en framboð sé lítið. „Það er endalaust verið að leita til okkar og spyrjast fyrir um hugsanlegar íbúðir til leigu,“ segir hann. „Því miður er staðan sú að það er nánast ekkert til.“
Arnar segir að ásókn á leigumarkað hangi að hluta til saman við ástandið á fasteignamarkaði, en flestum þykir lítið spennandi að taka lán nú um stundir þegar vextir eru mjög háir. Erfiðara sé en áður að komast í gegnum greiðslumat, margir hreinlega komist ekki þar í gegn og neyðist því út á leigumarkað.
Fjöldi íbúða er í byggingu á Akureyri um þessar mundir og kemur hluti þeirra inn á markaðinn næsta haust en flestar síðar, á næsta og þar næsta ári og leysa því ekki þann húsnæðisvanda sem við er að eiga.
Höfum fengið það sem við þurfum
Karólína Gunnarsdóttir starfandi sviðsstjóri á Velferðarsviði Akureyarbæjar segir að sviðið hafi verið að leit að húsnæði fyrir flóttafólk undanfarna mánuði og sú leit standi enn yfir. Ekki sé um að ræða margar íbúðir á hverjum tíma. „Húsnæðismarkaðurinn er erfiður á Akureyri núna, en við höfum fengið það sem við erum í þörf fyrir í flestum tilfellum.”
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
