27. nóvember - 4. desember - Tbl 48
Nýtt Ungmennaráð tekið til starfa
Barnasáttmálinn. Mynd eftir Rán Flygering, unnin í tengslum við Stórþingið 2019.
Í nóvember sl. var opnað fyrir umsóknir í Ungmennaráð Akureyrarbæjar og bárust ráðinu þó nokkrar afar frambærilegar umsóknir. Fimm sæti voru laus í ráðinu og að kosningu liðinni tóku fjórir nýir fulltrúar sæti og einn fulltrúi hlaut endur kosningu. Ungmennaráðið er fullskipað 11 ungmennum á grunn- og framhaldsskólaaldri:
Ungmennaráð Akureyrarbæjar 2023-:
Anton Bjarni Bjarkason - endurkosinn
Ásta Sóley Hauksdóttir
Elva Sól Káradóttir
Erika Arna Sigurðardóttir – ný í ráðinu
Felix Hrafn Stefánsson – nýr í ráðinu
Freyja Dögg Ágústudóttir
Fríða Björg Tómasdóttir
Haukur Arnar Ottesen Pétursson – nýr í ráðinu
Heimir Sigurpáll Árnason – nýr í ráðinu
Lilja Dögun Lúðvíksdóttir
Telma Ósk Þórhallsdóttir
Nýja ráðið hefur nú fundað tvisvar sinnum frá kosningum, 7. desember og 4. janúar, og eru hjólin strax farin að rúlla enda margt spennandi framundan.
Helst ber að nefna Stórþing ungmenna sem haldið verður í Hofi þann 28. febrúar nk. frá kl. 10:00. Stórþingið er vettvangur fyrir börn og ungmenni á svæðinu til að koma saman og ræða þau málefni sem brenna hvað helst á þeim. Um er að ræða eitt stærsta verkfærið í gagnasöfnun um stöðu barna og ungmenna í sveitarfélaginu.
Þá er Bæjarstjórnarfundur Unga fólksins á dagskrá 14. mars. Þar gefst fulltrúum ungmennaráðsins tækifæri til þess að ávarpa bæjarstjórnina og koma á framfæri þeim málum sem börn og ungmenni á Akureyri telja að þarfnist áheyrnar bæjarstjórnar til að bæta stöðu þeirra í sveitarfélaginu okkar. Efnisatriði fundarins verða meðal annars unnin úr niðurstöðum Stórþingsins.
Nánari upplýsingar um hvoru tveggja munu koma síðar.
Minnum á netfang Ungmennaráðsins, ungmennarad@akureyri.is. Við tökum glöð við hvers kyns ábendingum um málefni sem hafa með hagsmuni barna og ungmenna að gera.
Frá þessu segir á heimasíðu bæjarins www.akureyri.is
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
