Nýjar staðsetningar til skoðunar fyrir stórþaravinnslu
Fulltrúar á vegum Íslandsþara ehf. komu á fund byggðarráðs Norðurþings á dögunum. Fyrirtækið hyggst reisa 4-5 þúsund fermetra hús fyrir vinnslu á stórþara úr Skjálfandaflóa. Fulltrúar Íslandsþara kynntu stöðu verkefnisins fyrir ráðinu.
Vilyrði fyrir lóð
Sveitarstjórn Norðurþings samþykkti á síðasta ári að veita Íslandsþara ehf. vilyrði fyrir átta þúsund fermetra lóð við Hrísmóa eða Víðimóa rétt sunnan Húsavíkur.
Áform fyrirtækisins ganga m.a, út á að nýta Húsavíkurhöfn til löndunar á þara og til útskipunar á afurðum.
Samkvæmt heimildum Vikublaðsins hefur Íslandsþari sýnt annarri lóð áhuga, en þeirri sem vilyrði hefur fengist fyrir. Það er lóð við slökkvistöðina á Norðurgarði við Húsavíkurhöfn. Sú lóð ku henta vinnslunni betur með tilliti til aðgengis að hafnarsvæðinu.
Benóný Valur Jakobsson, varaformaður Byggðarráðs staðfestir í samtali við Vikublaðið að fyrirtækið hafi sýnt lóðinni áhuga en tekur fram að engin formleg umsókn hafi borist.
„Það má segja að lóðin á Norðurgarði sé þeirra fyrsta val ef þeir fá að ráða en það er auðvitað búið að úthluta verkefninu lóð sunnan megin við bæinn. Það hefur ekki verið formlega sótt um eitt eða neitt,“ segir Benóný.
Aðspurður hvort jákvæðni ríki meðal sveitarstjórnarfólks um að úthluta fyrirtækinu lóðinni við Norðurgarð, segir Benóný að hann treysti sér ekki til að fullyrða neitt um afstöðu annarra, en ekkert sé útilokað í þessum efnum. „Það er svo mörgum spurningum ósvarað enn þá en það er a.m.k. ekki búið að segja þvert nei. Það er allt til skoðunar en engin formleg afstaða verið gefin út.“
Áhyggjur af lyktarmengun
Ljóst er að ef Íslandsþara verður úthlutað lóð á Norðurgarði þá er vinnslan komin nálægt miðbæ Húsavíkur og annarri íbúðabyggð. Þá vakna sjálfkrafa upp spurningar um hugsanlega lyktarmengun frá vinnslunni. Benóný segir að samkvæmt upplýsingum frá fyrirtækinu verði lykt frá vinnslunni lítil sem engin, enda sé þarinn unninn ferskur við hátt hitastig.
„Þetta er eitthvað sem við munum skoða ofan í kjölinn áður en afstaða verður tekin. Það eru starfræktar svona verksmiðjur annars staðar svo það ætti að vera hægt að kanna þessa þætti,“ segir Benóný.
Snæbjörn Sigurðarson verkefnastjóri verkefnisins sagði í samtali við Vikublaðið að hann hafi verið ásamt fleiri fulltrúm Íslandsþara á fundi byggðarráðs til að kynna stöðu verkefnisins. Hann sagði að ýmislegt væri í skoðun m.a. fleiri staðsetningar en það væri of snemmt að tjá sig um það.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
