Ný lánaviðmið Húsnæðis-og mannvikjastofnunar útiloka líklega bróðurpart eldri borgara frá kaupum
Áform um uppbyggingu ríflega 130 íbúða á vegum Búfestis við Þursaholt eru í uppnámi vegna nýrra lánaskilyrða Húsnæðis- og mannvirkjastofnunar, HMS. Hluta íbúðanna átti að reisa í samvinnu við Félag eldri borgara á Akureyri. Með nýjum lánaviðmiðum HMS er ljóst að bróðurpartur félagsmanna, tveir þriðju hlutar, falla ekki undir núverandi tekju- og eignamörk. Mikil óánægja er meðal félagsmanna með þetta útspil HMS. Búfesti er í biðstöðu með framkvæmdir á svæðinu og er þess freistað á HMS til að breyta nýju lánaskilyrðunum.
“Okkur þykir þetta mjög miður,” segir Karl Erlendsson formaður Félags eldri borgara á Akureyri. Unnið er að því á vegum félagsins að fá Húsnæðis- og mannvirkjastofnun til að endurskoða afstöðu sína til verkefnisins, enda segir hann að það sér grundvallaratriði að hagstæðar íbúðir séu í boði fyrir alla félagsmenn, en ekki bara suma.
Félagið hefur í góðri samvinnu við Búfesti unnið að verkefninu við Þursaholt og tekið þátt í hönnun íbúðanna með sérstöku tilliti til þarfa eldra fólks. Búfesti er óhagnaðardrifið húsnæðissamvinnufélaga sem á og rekur um 260 íbúðir á Akureyri og Húsavík. Hefur búsetum verið gert mögulegt að eiga 10 til 30% eignarhlut í íbúðunum.
Erum í biðstöðu
Eiríkur H. Hauksson framkvæmdastjóri Búfestis segir að svæðið við Þursaholt hafi verið girt af og fyrir hafi legið tvö hagstæð tilboð í jarðvinnu og uppsteypu kjallara húsanna. „Við erum í biðstöðu, það má segja að við förum okkur hægt á meðan unnið er úr þessu,“ segir hann, en auk hinna nýju tekju- og eignamarkaviðmiða HMS segir Eiríkur háa vexti og verðbólgu sem hér ríkir ekki beint ýta mönnum út í stór og kostnaðarsöm verkefni. „Það er eiginlega galið að takast á við svona umfangsmikið verkefnið í því árferði sem ríkir.“
Fyrst og fremst séu það þó hinar nýju reglur HMS sem setji strik í reikninginn. Fari allt á versta veg, þ.e. að reglum um tekju- og eignamörk verði ekki breytt geti í versla falli farið svo að ekkert verið úr byggingaáformum.
Eiríkur segir að Búfesti hafi yfir að ráða nokkrum lóðum, húsum frá númer 2 og upp í 10. Húsin eru fjögurra hæða og verða í allt ríflega 130 íbúðir á svæðinu. Til að byrja með var gert ráð fyrir að tvö þeirri yrðu eyrnamerkt fólki 60 ára og eldra en mikil eftirspurn frá þeim hópi hafi leitt til þess að líklega verði fleiri hús tekin frá fyrir þann aldurshóp. Íbúðirnar séu hannaðar með eldra fólk í huga, t.d. þannig að auðvelt verði að veita þjónustu heima, m.a. heimahjúkrun. Sem dæmi séu baðherbergi rúmgóð. Þá verður samkomusalur fyrir íbúanna á svæðinu þar sem þeir geta hist, spjallað og fengið sér kaffisopa.
Hvergi stefna að byggja stórar blokkir fyrir efnalítið fólk
Eiríkur og Karl nefna báðir að þessi tekjuviðmið sem útiloka stóran hluta eldri borgara frá því að kaupa búseturétt í húsunum við Þursaholt samræmist vart stefnu HMS né heldur ríkisvaldsins um að byggja fjölmennar blokkir bara fyrir láglauna- og eignalítið fólk. Það sé heldur ekki stefna Akureyrarbæjar né yfirhöfuð nokkurs. Góð blöndun fólks með mismunandi greiðslugetu í fjölbreytilegum hverfum og byggingum er að flestra mati það sem best þjónar margbreytileika íbúa þessa lands.
Stjórn EBAK hefur skorað á stofnunina og innviðaráðherra að breyta sem allra fyrst nýju lánaskilyrðum þannig að unnt sé að halda áfram við nauðsynlegar húsbyggingar Búfestis og félagsins. „Vert er að minna á að það bráðvantar húsnæði fyrir eldri borgara á Akureyri og þessi byggingaáform eru hluti af lausn á þeim vandræðum,“ segir í ályktun frá félaginu.
„Þetta er ákveðin pólitík og við vinnum í því af krafti að fá þessu hnekkt. Það er alveg gjörsamlega fáránlegt að skilgreina hópinn eldri borgarar bara út frá fjárhagsstöðu. Það er svo margt annað sem taka þarf til greina, líkamlega getu, félagslega stöðu og margt fleira. Þessi viðmið eru einnig mjög lág, þannig að sem dæmi hjón sem eigi litla íbúð í fjölbýlishúsi teljast of efnuð og er sópað út af borðinu,“ segir Eiríkur.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
