Njáll Trausti Friðbertsson alþingismaður með þingsályktun í upphafi þings Ein af þyrlum gæslunnar verði staðsett á Akureyri
„Það hefur orðið mikil uppbygging á Akureyrarflugvelli undanfarin misseri og því er einstaklega gott tækifæri fyrir Landshelgisgæsluna að koma sér upp starfsstöð á flugvellinum. Hvort heldur það verði með því að byggja nýtt flugskýli eða aðstaða fengist í öðrum skýlum sem fyrir eru,“ segir Njáll Trausti Friðbertsson alþingismaður og oddviti Sjálfstæðisflokksins í Norðausturkjördæmi, sem mun við upphaf Alþings síðar í haust leggja fram þingsályktunartillögu um að eina af þyrlum Gæslunnar verði staðsett á Akureyri.
Hann segir að þyrla sem staðsett var norðan heiða um verslunarmannahelgi hafi sannað gildi þess að hafa ekki allar þyrlur á sama svæði. Að hafa allar björgunarþyrlur staðsettar í Reykjavík skerði viðbragðstíma og þjónustugetu, sérstaklega gagnvart Norður- og Austurlandi sem og hafsvæðum þar sem veður geta verið válynd. Þannig búi sjófarendur við þessa landshluta við minna öryggi þegar björgunarþyrlusveit er einungis staðsett á suðvesturhorni landsins.
Óskynsamlegt að hafa allar þyrlur á sama veðursvæði
„Lausnin felst í því að staðsetja þyrlu eða hluta flugdeildar Gæslunnar á Akureyri, í námunda við landfræðilega miðju Íslands. Tenging við sjúkraflug frá Akureyri er augljós, en fyrir hendi er reynsla sem nýtist vel.
Bendir Njáll Trausti á að það sjónarmið að hafa þyrlu staðsetta á Akureyri hafi margoft komið fram um árin og fjölmargir hafi ályktað um það, m.a. þegar brottför varnarliðsins kom til á sínum tíma. Þá hafi verið nefnt að skynsamlegt væri að hafa fleiri en eina starfstöð fyrir björgunarþyrlur til að stytta viðbragðstíma. Landsspítali hafi einnig bent á mikilvægi þess að hafa þyrlu á Akureyri í ljósi mikilvægis jöfnunar á heilbrigðisþjónustu og ýmis félagasamtök sem tengjast sjómönnum tóku undir.
Njáll Trausti segir óskynsamlegt að hafa allar þyrlur fastar á sama veðursvæðinu. „Að hafa þyrlurnar allar í Reykjavík dreifir þjónustunni illa og það er alveg afleitt fyrir íbúa sem lengst eru frá á norðan- og austanverðu landinu og hafsvæðinu þar út af,“ segir hann og bætir við að ekki hafi þótt góðri lukku að stýra að hafa öll egg í sömu körfunni.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
