Akureyrarflugvöllur verður nú bókanlegur með beinu flugi utan úr heimi í fyrsta sinn
Flug Niceair til þriggja áfangastaða í Evrópu eru nú bókanleg í gegnum vefsíðu Dohop, vinsælustu flugleitarvélar á Íslandi. Í fyrstu verða bein flug Niceair aðgengileg á vefnum en í framtíðinni einnig tengiflug til fleiri áfangastaða í gegnum Dohop Connect, tengiþjónustu Dohop. Þetta kemur fram í tilkynningu frá félaginu.
Tilkynnt var um tilkomu Niceair 17. febrúar s.l. en það mun einbeita sér að því að fljúga erlendum ferðamönnum frá Bretlandi og Danmörku til Akureyrar og þjónusta jafnframt heimamarkaðinn með vikulegu flugi til Tenerife.
“Það er mikil bylting fyrir heimamarkaðinn að geta bókað sig til hundruð áfangastaða erlendis í gegnum tengivelli félagsins í Stansted og Kastrup, auk þess sem Akureyrarflugvöllur verður nú bókanlegur með beinu flugi utan úr heimi í fyrsta sinn. Akureyri er nýr áfangastaður í áætlunarflugi á Íslandi og því spennandi kostur fyrir ferðamenn, ekki síst endurkomufarþega, sem hafa heimsótt höfuðborgarsvæðið og Suðurlandið í fyrri heimsóknum, en vilja nú upplifa meira.
Við væntum mikils af því að útvíkka þennan möguleika enn frekar í samstarfi við Dohop og þeirra samstarfsaðila meðal erlendra flugfélaga, þannig að bókunar-og leitarferli fyrir okkar farþega verði enn einfaldara” segir Þorvaldur Lúðvík Sigurjónsson, framkvæmdastjóri Niceair.
Dohop hefur þróað hugbúnað og tengimöguleika fyrir flugfélög og ferðaþjónustu í 18 ár. Nýjasta afurð félagsins er Dohop Connect sem býður flugfélögum upp á að selja tengiflug með fjölmörgum flugfélögum til hundruð áfangastaða um allan heim.
“Það er ánægjulegt að nýjasta flugfélagið skuli velja okkur til að þróa með sér lausnir fyrir sína farþega sem ferðast um Akureyrarflugvöll. Tengimöguleikar út frá Akureyri eru fjölmargir og verða með lausn Dohop enn aðgengilegri fyrir heimamarkaðinn. Dohop Connect lausnin er hentug fyrir lítil félög eins og Niceair, en með aðild að því útvíkkar félagið leiðakerfi sitt á einfaldan hátt," segir Davíð Gunnarsson, framkvæmdastjóri Dohop.
Nýjast
-
Kvenfélagið Hjálpin gefur 1.100.000 kr
Nú á haustdögum varð kvenfélagið Hjálpin í Eyjafjarðarsveit 110 ára. Í kvenfélaginu starfa tuttugu og fjórar konur auk nokkurra heiðursfélaga. Við erum á aldrinum 24 ára til 76 ára og meðalaldur okkar er 48 ár. Við erum vinkonur, nágrannar, bekkjarsystur, systur og í félaginu starfa í dag 3 pör af mágkonum, 3 pör af mæðgum og 5 pör af tengdamæðgum. Í tilefni af 100 ára afmælinu gáfum við út bókina Drífandi daladísir þar sem eru myndir og upplýsingar um allar 231 félagskonurnar ásamt sögu félagsins í máli og myndum. -
Atvinnulíf og uppbygging í Norðurþingi
Það eru spennandi tímar í atvinnulífinu í Norðurþingi en sveitarstjórn hefur unnið ötullega í þessum málaflokki á kjörtímabilinu, m.a. með áherslu á Grænan iðngarð á Bakka. -
Ungt fólk er meira en bara meme og sketsar á TikTok
Ungt fólk er meira en bara einn hópur. Ungt fólk samanstendur af mörgum mismunandi hópum, með mismunandi skoðanir, áhugamál og þarfir. Að reyna að ná til þeirra einungis með stuttum sketsum, meme-um og „brain rot “ efni á TikTok er mikil einföldun. Ungt fólk hefur líka áhuga á pólitík, vill fara á dýptina í málum og kynna sér stefnur flokka áður en það mótar sér skoðun. Ungt fólk á betra skilið en efni í litlum gæðum sem er of stutt til að geta talist upplýsandi. -
Listasafnið á Akureyri: Útskriftarsýning VMA opnuð á laugardaginn
Laugardaginn 16. nóvember kl. 15 verður útskriftarsýning nemenda listnáms- og hönnunarbrautar Verkmenntaskólans á Akureyri, KNÁRL, opnuð í Listasafninu á Akureyri. Sýningar á lokaverkefnum nemenda hafa lengi verið fastur liður í starfsemi listnáms- og hönnunarbrautar VMA. Sýningarnar eru tvær yfir árið, annars vegar í lok vorannar og hins vegar í lok haustannar. Þetta er tíunda árið í röð sem þær eru haldnar í samstarfi við Listasafnið á Akureyri. -
Blað brotið í millilandaflugi um Akureyrarflugvöll
Það er óhætt að segja að brotið hafi verið blað í flugi um Akureyrarflugvöll í morgun, þegar fyrsta flug Easy Jet til Akureyrar frá Manchester sem er borg í norðvesturhluta Englands lenti á flugvellinum eftir tæplega 160 mín flug. -
Plast í Nettó fær nýtt líf í samstarfi við Polynorth
Allt frauðplast í verslun Nettó á Glerártorgi mun nú fá nýtt líf og umbreytast í einangrunarplast til byggingaframkvæmda í samstarfi við plastkubbaverksmiðjuna Polynorth á Óseyri. Verkefnið er liður í stefnu Samkaupa að verða leiðandi í úrgangsstjórnun. Endurnýting á frauðplasti er hluti af því að draga úr úrgangslosun verslana Samkaupa og auka þar flokkunarhlutfall. -
Ný vefsíða Hollvina Sjúkrahússins á Akureyri komin í loftið
Á dögunum fór ný vefsíða Hollvina SAk í loftið í boði Stefnu hugbúnaðarhúss (www.hollvinir.is). Vefsíðan er einföld í notkun og þar birtast fréttir af því góða starfi sem Hollvinir vinna með því að styrkja og styðja við sjúkrahúsið. Ennfremur er þar hægt að gerast Hollvinur með einföldum hætti og panta minningarkort til styrktar samtökunum. Með nýju vefsíðunni vonast stjórnin til að ná til fleiri félagsmanna og efla starfsemina enn frekar. -
Forseti sveitarstjórnar vill hætta viðskiptum við Rapyd
Hjálmar Bogi Hafliðason sagði m.a. annars að efnahagsleg sniðganga væri vopn sem við Íslendingar gætum beitt til að ná fram friðsælli lausn á átökunum fyrir botni Miðjaraðarhafs. -
,,Bráðum kemur ekki betri tíð, því betri getur tíðin ekki orðið”
Það er mun oftar sem sagðar eru fréttir af ófærð og allskonar veseni veðri tengdu á þessum árstíma. Staðan er hinsvegar sú núna að það er óhætt að vitna í Stuðmenn og segja ,,Bráðum kemur ekki betri tíð, þvi betri getur tíðin ekki orðið”
