Neyðarstöðvum í Vaðlaheiðargöngum fjölgað
„Það er svolítið furðulegt að EFTA gerir ekki kröfu um að gsm símasamband sé í jarðgöngum né heldur almennt um hringveginn. Það er mun algengara og eðlilegra að fólk grípi til eigin gsm síma til að hringja í Neyðarlínu heldur en að hlaupa að næsta síma með snúru,“ segir Valgeir Bergmann framkvæmdastjóri Vaðlaheiðarganga.
Undanfarið hefur staðið yfir vinna við að fjölga neyðarstöðvum í Vaðlaheiðargöngum og er það gert að kröfu Samgöngustofu og EFTA. Neyðarstöðvar sem innihalda síma sem beintengdur er í 112 og tveimur slökkvitækjum hafa verið á 250 metra millibili í Vaðlaheiðargöngum eins og flest öllum göngum á Íslandi , en krafa er um að slíkar stöðvar séu settar upp með 150 metra millibili. Engin krafa er um gsm samband í jarðgöngum. Unnið er að því að bæta neyðarstöðvum á milli núverandi stöðva og verður þannig um 125 metrar á milli neyðarstöðva. Alls verða settir upp 30 nýir símar og 60 ný slökkvitæki í göngin. Alls verða því á neyðarstöðvum í Vaðlaheiðagöngum 60 símar og yfir 120 slökkvitæki.
Lýkur í febrúar
Valgeir segir að verkið vinnist vel en gert er ráð fyrir að því að lokið verði við að tengja alla síma við rafmagn í febrúar næstkomandi. Einnig þarf að setja upp skilti sem sett eru fyrir ofan neyðarsímann. Hann segir að kostnaður nemi um 10 milljónum króna, en það sé ekki að fullu ljóst strax þar sem verkinu sé ekki lokið.
Spurst fyrir um hvar eigi að borga vegtoll
Valgeir segir að auk þess sem neyðarsímar séu tiltækir sé gsm símasamband alls staðar í jarðgöngunum. „Í þau þrjú ár sem Vaðlaheiðargöng hafa verið opin fyrir almennri umferð hafa þessir neyðarsímar aldrei, svo ég viti til verið notaðir til að hringja í Neyðarlínuna til að tilkynna neyðarástand. Erlendir ferðamenn hafa í nokkur skipti tekið upp tólið og hringt úr þessum símum í Neyðarlínuna einkum til að spyrjast fyrir um hvar eigi að borga vegtollinn, en neyðarsímklefarnir í útskotum og utan ganganna minna svolítið á breska símaklefa,“ segir hann.
/MÞÞ
Nýjast
-
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu.
