Minningarathöfn um Jón Karlsson hjúkrunarfræðing og sendifulltrúa RKÍ
Í tilefni af því að í dag sunnudag, eru 20 ár liðin síðan Jón Karlsson sendifulltrúi var veginn við hjálparstörf fyrir utan Kabúl í Afganistan 22. apríl 1992, var haldin minningarathöfn um Jón í Kjarnaskógi á Akureyri í morgun. Á meðal viðstaddra voru nánustu ættingjar Jóns, Anna Stefánsdóttir formaður Rauða kross Íslands, Jón Knutsen formaður Akureyrardeildar Rauða krossins og Robert Mardini aðstoðarframkvæmdastjóri Alþjóðaráðs Rauða krossins. Þá var Elín S. Guðmundsdóttir hjúkrunarfræðingur viðstödd, en hún starfaði með Jóni í Kabúl þennan örlagaríka dag fyrir 20 árum.
Anna Stefánsdóttir, formaður Rauða kross Íslands, flutti ávarp og afhenti bekk til minningar um Jón og Robert Mardini flutti kveðjur frá Alþjóðaráði Rauða krossins. Þá gróðursetti fjölskylda Jóns, tré í námunda við bekkinn. Jón Knutsen formaður Akureyrardeildar Rauða krossins, sagði frá bekknum, sem er úr lerki úr Kjarnaskógi og gerður af starfsfólki Skógræktarfélags Eyfirðinga.
Jón Karlsson, hjúkrunarfræðingur var einn af reyndustu sendifulltrúum Rauða krossins þegar hann var veginn við hjúkrunarstörf fyrir utan Kabúl í Afganistan árið 1992. Jón var alinn upp á Dvergsstöðum í Hrafnagilshreppi í Eyjafirði, var stúdent frá Menntaskólanum á Akureyri og útskrifaðist frá Hjúkrunarskóla Íslands árið 1981. Að loknu námi starfaði Jón á Borgarspítalanum og síðar sem sendifulltrúi Rauða krossins í Tælandi, þrisvar sinnum í Afganistan, tvisvar í Pakistan og einu sinni í Súdan og Kenýa. Ekkja Jóns Karlssonar heitir Jenny Hayward. Rúmum tveimur mánuðum áður en Jón var veginn, gengu þau í hjónaband í heimalandi hennar, Englandi, þar sem þau ætluðu að stofna heimili.
Öryggi í hjálparstarfi
Af þessu sama tilefni boðar Rauði kross Íslands til morgunfundar um öryggi í hjálparstarfi, á morgun, mánudaginn 23. apríl kl 08:30-09:45. Aðalræðumaður verður Robert Mardini, aðstoðarframkvæmdastjóri Alþjóðaráðs Rauða krossins (ICRC), sem kemur sérstaklega til landsins til að vera við minningarathöfn um Jón. Einnig ræðir Þórir Guðmundsson, sviðsstjóri hjálparstarfssviðs Rauða krossins, um öryggismál eins og þau snúa að Rauða krossi Íslands. Fundurinn verður haldinn í húsnæði Rauða kross Íslands að Efstaleiti 9. Erindi verða flutt á ensku.
Nýjast
-
Húsavík – bílalest á leið norður
Eins og áður hefur komið fram á heimasíðu stéttarfélaganna hefur Bjarg íbúðafélag unnið að því að byggja sex íbúða raðhús að Lyngholti 42-52 á Húsavík. Grunnurinn er klár og á næstu dögum mun bílalest leggja af stað frá Selfossi með einingarnar til Húsavíkur enda haldist veðrið áfram í lagi. -
Bæjarstjórn Akureyrar Hækkanir á ferðakostnaði barna og unglinga í tengslum við keppnisferðir í íþróttum veldur áhyggjum
Á seinasta fundi bæjarstjórnar Akureyrar var m.a rætt um aukin ferðakostnað barna og unglinga á landsbyggðinni tengt íþróttum. Kostnaður hefur aukist verulega á síðastliðnum árum en á sama tíma hefur framlag ríkisins ekki fylgt verðlagi og því rý rnað umtalsvert. -
Nýjar sýningar á Listasafninu Sköpun bernskunnar og Margskonar
Samsýningarnar Sköpun bernskunnar 2025 og Margskonar I verða opnaðar í Listasafninu á Akureyri á laugardag, 22. febrúar kl. 15. Sólveig Baldursdóttir, myndhöggvari, opnar sýningarnar formlega og eldri barnakór Akureyrarkirkju syngur. Sýningarstjóri beggja sýninga er Heiða Björk Vilhjálmsdóttir. -
Freyvangsleikhúsið frumsýnir Land míns föður í næstu viku
„Æfingar hafa gengið vel. Það hefur verið mikið að gera en síðustu vikur hafa verið virkilega skemmtilegar og við hlökkum til að setja verkið á svið,“ segir Jóhanna S. Ingólfsdóttir formaður Freyvangsleikhússins, en þar á bæ verður söngleikurinn Land míns föður frumsýnt í lok næstu viku, 28. febrúar. Leikritið er eftir Kjartan Ragnarsson, tónlist er eftir Atla Heimi Sveinsson. Sýnt verður í Freyvangi í Eyjafjarðarsveit og eru sýningar út mars komnar í sölu. Leikstjóri er Ólafur Jens Sigurðsson. -
Stjórn SSNE Þungar áhyggjur vegna lokunar flugbrauta
Stjórn SSNE tekur undir ályktanir sveitarstjórna á Norðurlandi eystra sem og yfirlýsingu Miðstöðvar sjúkraflugs á Íslandi þar sem lýst er yfir miklum áhyggjum vegna lokunar flugbrauta á Reykjavíkurflugvelli. -
Búast við góðri helgi í Hlíðarfjalli
Aðstæður á skíðasvæðinu í Hlíðarfjalli hafa verið erfiðar síðustu daga og vikur vegna hlýinda en þó hefur tekist að halda brautum opnum og er hvert tækifæri notað til að framleiða meiri snjó. -
Heilbrigðisráðherra í heimsókn á SAk
Alma Möller heilbrigðisráðherra, Eydís Ásbjörnsdóttir þingmaður NA-kjördæmis, og Jón Magnús Kristjánsson aðstoðarmaður heilbrigðisráðherra heimsóttu SAk í gær . Hildigunnur Svavarsdóttir forstjóri SAk og Alma Möller heilbrigðisráðherra segja heimsóknina hafa verið ákaflega ánægjulega. -
Akureyrarbær hefur staðfest endurskoðun á húsnæðisáætlun fyrir árið 2025
Akureyrarbær hefur staðfest endurskoðun á húsnæðisáætlun sveitarfélagsins fyrir árið 2025. Spáð er að íbúum sveitarfélagsins fjölgi um 2.358 manns á næstu tíu árum, sem er 11,6 prósent aukning. Til samanburðar hefur íbúum í sveitarfélaginu fjölgað um 1.169 frá árinu 2020 eða um 6 prósent og því er spá Akureyrarbæjar eilítið varfærnari en hefur raungerst síðastliðin ár segir á vef Húsnæðis- og mannvirkjastofnunar. -
Reykjavík er höfuðborg okkar allra
Við undirrituð, bæjar- og sveitarstjórar á Íslandi, mótmælum öll lokun annarrar af tveimur flugbrautum Reykjavíkurflugvallar með tilheyrandi skerðingu á þjónustu og ógn við innanlandsflug sem þar af hlýst.
