Dagskráin 19. febrúar - 26. febrúar Tbl 7
Heilbrigðisráðherra í heimsókn á SAk
Alma Möller heilbrigðisráðherra, Eydís Ásbjörnsdóttir þingmaður NA-kjördæmis, og Jón Magnús Kristjánsson aðstoðarmaður heilbrigðisráðherra heimsóttu SAk í gæt. Hildigunnur Svavarsdóttir forstjóri SAk og Alma Möller heilbrigðisráðherra segja heimsóknina hafa verið ákaflega ánægjulega.
Alma Möller heilbrigðisráðherra, Eydís Ásbjörnsdóttir, þingmaður NA-kjördæmis, og Jón Magnús Kristjánsson, aðstoðarmaður heilbrigðisráðherra, heimsóttu SAk í dag. Hildigunnur Svavarsdóttir, forstjóri SAk, segir heimsóknina hafa verið ákaflega ánægjulega: „Það er ákaflega verðmætt að fá heilbrigðisráðherra, aðstoðarmann hans og þingmann kjördæmisins í heimsókn. Í þessari heimsókn gafst okkur tækifæri til að ræða saman um fjölmörg mikilvæg mál sem tengjast áskorunum, tækifærum, þróun og framtíðarsýn okkar hér á SAk. Sem dæmi má nefna að við ræddum sérstaklega stöðu fjármála, mönnunar, sérgreinamál lækna, mikilvægi þess að nútímavæða húsnæði og tækjabúnað, auk þess sem rætt var um gæða- og umbótastarf. Gestir okkar heimsóttu skurðstofur, gjörgæslu og geðdeild, þar sem tækifæri gafst til samtals um starfsemina við fulltrúa deildanna.“
Alma Möller heilbrigðisráðherra tók í sama streng: „Það var virkilega ánægjulegt að heimsækja Sjúkrahúsið á Akureyri og ná góðum samtölum við stjórnendur og starfsfólk. Það var sérlega jákvætt að finna þann metnað og lausnarmiðaða hugsun sem starfsfólk SAk býr yfir. Íslenskt heilbrigðiskerfi er í grunninn gott, þökk sé framúrskarandi heilbrigðisstarfsfólki. Þrátt fyrir það er augljóst að ýmislegt þarf að bæta. Ljóst er að á SAk, líkt og annars staðar í heilbrigðiskerfinu, er uppsöfnuð innviðaskuld, sem verður að vinna á með markvissum hætti.
Það eru spennandi tímar framundan á SAk með fyrirhugaðri nýbyggingu, sem kemur til með að hafa mjög jákvæð áhrif og mikilvægt er að sú uppbygging tefjist ekki. Þá er vert að nefna að ég hef sett af stað vinnu við skilgreiningu á SAk sem varasjúkrahúsi landsins, enda nauðsynlegt að hlutverkið sé skýrt, þá ekki síst með tilliti til viðbragðsáætlana, neyðarviðbragða, þjóðaröryggis, sjúkraflutninga, rannsóknarþjónustu og laga um heilbrigðisþjónustu. Skilgreining SAk sem varasjúkrahúss er mikilvæg til að taka ákvarðanir um uppbyggingu sjúkrahússins.”
Heimasíða SAk sagði frá
Nýjast
-
Húsavík – bílalest á leið norður
Eins og áður hefur komið fram á heimasíðu stéttarfélaganna hefur Bjarg íbúðafélag unnið að því að byggja sex íbúða raðhús að Lyngholti 42-52 á Húsavík. Grunnurinn er klár og á næstu dögum mun bílalest leggja af stað frá Selfossi með einingarnar til Húsavíkur enda haldist veðrið áfram í lagi. -
Bæjarstjórn Akureyrar Hækkanir á ferðakostnaði barna og unglinga í tengslum við keppnisferðir í íþróttum veldur áhyggjum
Á seinasta fundi bæjarstjórnar Akureyrar var m.a rætt um aukin ferðakostnað barna og unglinga á landsbyggðinni tengt íþróttum. Kostnaður hefur aukist verulega á síðastliðnum árum en á sama tíma hefur framlag ríkisins ekki fylgt verðlagi og því rý rnað umtalsvert. -
Nýjar sýningar á Listasafninu Sköpun bernskunnar og Margskonar
Samsýningarnar Sköpun bernskunnar 2025 og Margskonar I verða opnaðar í Listasafninu á Akureyri á laugardag, 22. febrúar kl. 15. Sólveig Baldursdóttir, myndhöggvari, opnar sýningarnar formlega og eldri barnakór Akureyrarkirkju syngur. Sýningarstjóri beggja sýninga er Heiða Björk Vilhjálmsdóttir. -
Freyvangsleikhúsið frumsýnir Land míns föður í næstu viku
„Æfingar hafa gengið vel. Það hefur verið mikið að gera en síðustu vikur hafa verið virkilega skemmtilegar og við hlökkum til að setja verkið á svið,“ segir Jóhanna S. Ingólfsdóttir formaður Freyvangsleikhússins, en þar á bæ verður söngleikurinn Land míns föður frumsýnt í lok næstu viku, 28. febrúar. Leikritið er eftir Kjartan Ragnarsson, tónlist er eftir Atla Heimi Sveinsson. Sýnt verður í Freyvangi í Eyjafjarðarsveit og eru sýningar út mars komnar í sölu. Leikstjóri er Ólafur Jens Sigurðsson. -
Stjórn SSNE Þungar áhyggjur vegna lokunar flugbrauta
Stjórn SSNE tekur undir ályktanir sveitarstjórna á Norðurlandi eystra sem og yfirlýsingu Miðstöðvar sjúkraflugs á Íslandi þar sem lýst er yfir miklum áhyggjum vegna lokunar flugbrauta á Reykjavíkurflugvelli. -
Búast við góðri helgi í Hlíðarfjalli
Aðstæður á skíðasvæðinu í Hlíðarfjalli hafa verið erfiðar síðustu daga og vikur vegna hlýinda en þó hefur tekist að halda brautum opnum og er hvert tækifæri notað til að framleiða meiri snjó. -
Heilbrigðisráðherra í heimsókn á SAk
Alma Möller heilbrigðisráðherra, Eydís Ásbjörnsdóttir þingmaður NA-kjördæmis, og Jón Magnús Kristjánsson aðstoðarmaður heilbrigðisráðherra heimsóttu SAk í gær . Hildigunnur Svavarsdóttir forstjóri SAk og Alma Möller heilbrigðisráðherra segja heimsóknina hafa verið ákaflega ánægjulega. -
Akureyrarbær hefur staðfest endurskoðun á húsnæðisáætlun fyrir árið 2025
Akureyrarbær hefur staðfest endurskoðun á húsnæðisáætlun sveitarfélagsins fyrir árið 2025. Spáð er að íbúum sveitarfélagsins fjölgi um 2.358 manns á næstu tíu árum, sem er 11,6 prósent aukning. Til samanburðar hefur íbúum í sveitarfélaginu fjölgað um 1.169 frá árinu 2020 eða um 6 prósent og því er spá Akureyrarbæjar eilítið varfærnari en hefur raungerst síðastliðin ár segir á vef Húsnæðis- og mannvirkjastofnunar. -
Reykjavík er höfuðborg okkar allra
Við undirrituð, bæjar- og sveitarstjórar á Íslandi, mótmælum öll lokun annarrar af tveimur flugbrautum Reykjavíkurflugvallar með tilheyrandi skerðingu á þjónustu og ógn við innanlandsflug sem þar af hlýst.
