27. nóvember - 4. desember - Tbl 48
Mikill munur á skólaþjónustu leik- og grunnskóla eftir landshlutum
Leikskólinn Grænuvellir á Húsavík. Mynd úr safni/epe
Niðurstöður rannsóknarhóps við Kennaradeild Háskólans á Akureyri (HA) um skólaþjónustu sveitarfélaga benda til þess að það sé mikill munur eftir landshlutum á þeirri skólaþjónustu sem leik- og grunnskólar búa við. Það sem mesta athygli vekur þó er sú gagnrýni sem fram kemur á þá klínísku starfshætti sem þróast hafa í skólaþjónustunni, þ.e. hvernig þjónustan beinist að vanda nemandans og „lækningu“ eða „meðferð“ fremur en að skoða það félagslega samhengi sem nemandinn er í, innan sem utan skólans, og breyta aðstæðum til hagsbóta fyrir hann.
Þau sem standa að rannsókninni telja brýnt að setja þær áskoranir sem sveitarfélögin standa frammi fyrir nú í samhengi við starfshætti skólaþjónustunnar. Slíkar áskoranir eru meðal annars menntun fyrir alla/skóli án aðgreiningar, ræktun tilfinninga og félagsfærni (geðrækt) og fjölmenningarlegt skólastarf/staða barna af erlendum uppruna sem hafa annað móðurmál en íslensku. Um leið þarf að hugsa fyrir hlutverki skólaþjónustunnar í samþættri þjónustu í þágu farsældar barna sem þróa á með innleiðingu laga um slíka þjónustu sem sett voru á síðasta ári.
Þess er vænst að niðurstöðurnar nýtist sveitarfélögum til að styrkja skólaþjónustu sína með það fyrir augum að efla skóla sem faglegar stofnanir og beini athygli annarra hagsmunaaðila að þessari mikilvægu þjónustu.
Rannsóknin er styrkt af Vísindasjóði Háskólans á Akureyri og mennta- og menningarmálaráðuneytinu.
Rannsóknarhópinn skipa:
Dr. Birna Svanbjörnsdóttir, dósent
Dr. Hermína Gunnþórsdóttir, prófessor
Dr. Jórunn Elídóttir, dósent
Dr. Rúnar Sigþórsson, prófessor emeritus
Sigríður Margrét Sigurðardóttir, lektor
Trausti Þorsteinsson, fyrrverandi dósent.
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
