„Matargerð er eitthvað sem ég framkvæmi af ástríðu eins og flest sem ég geri“
Að þessu sinni er það brottfluttur Húsvíkingur sem kitlar bragðlauka lesenda í Matarkistu Skarps. Þetta er enginn annar en Leifur Þorkelsson framkvæmdastjóri Heilbrigðiseftirlits Austurlands, tísku bloggari og annálaður smekkmaður í mat og drykk. „Matargerð er eitthvað sem ég framkvæmi af ástríðu eins og flest sem ég geri,“ segir Leifur en hann skorar á Valdimar Halldórsson, framkvæmdastjóra Norðursiglingar að toppa þessa dásamlegu uppskrift sem hér fer að neðan:
Steikt keila með hvítlauk, steinselju og helling af smjöri
Smjör er gríðarlega mikilvægt hráefni í alla matargerð, sá sem ekki hefur greiðan aðgang að smjöri getur ekki búið til almennilegan mat. Til að taka af allan vafa þá er sólblóma ekki smjör, ekki létt & laggott eða eitthvað þessháttar heldur. Smjör skal það vera.
Það má í rauninni nota hvaða fisk sem er í þennan rétt en eftir að ég prófaði að nota keiluhnakka sem ég fékk hjá Kalla Sveins á Borgarfirði hef ég ekki notað annað.
Hráefni (veit ekki hvað þarf mikið af hverju, þið finnið út úr því):
Smjör
Keiluhnakkar
Steinselja
Hvítlaukur
Kartöflur o.fl.
Sojasósa
Salt og pipar
Aðferð:
Til að hafa smá skipulag á þessu öllu saman er albest að byrja á því setja upp kartöflur. Einhver vill kannski hafa eitthvað annað meðlæti með þessu, það má alveg og gerir ekkert til.
Á meðan þið bíðið eftir að suðan komi upp er gráupplagt að setja góðan slatta af smjöri í pott og láta það bráðna í rólegheitunum við lágan hita.
Næst á dagskrá er að saxa niður steinselju og hvítlauk og blanda því saman. Það þarf helling af því skal ég segja ykkur, talsvert meira en þið haldið. Þessu næst er fiskinum velt upp úr blöndunni, það er gráupplagt að ausa ofurlitlu smjöri úr pottinum yfir fiskinn áður, svona til þess að blandan tolli betur á honum. Þegar fiskurinn er löðrandi í steinselju og hvítlauk er við hæfi að raða honum á smekklegt postulínsfat (eða sambærilegt), athuga hvort kartöflurnar sjóði ekki örugglega og hvort smjörið sé nokkuð að brenna í pottinum, þið munið að hitinn undir smjörinu á að vera ósköp lítill.
Ef allt er í stakasta lagi á þessum tímapunkti er ekki úr vegi að setjast niður, ná áttum og hugleiða næstu skref. Ef ekki skal gripið til viðeigandi aðgerða.
Nú þarf að finna steikarpönnuna, setja á hana góða klípu af smjöri og skella henni á eldavélina. Á meðan smjörið bráðnar á pönnunni má hella slatta af sojasósu saman við smjörið í pottinum ásamt afganginum af hvítlauknum og steinseljunni e.t.v. er óhætt að hækka undir smjörinu um þessar mundir ef þið teljið það til bóta. Nú er að steikja fiskinn og það er tilvalið að sáldra salti og pipar yfir hann á pönnunni. Það er um að gera að hafa eldavélina ekki alveg í botni annars gæti þetta endað með ósköpum.
Þegar fiskurinn er hæfilega steiktur er honum raðað á smekklegt postulínsfat (eða sambærilegt) og hann borinn fram með soðnum kartöflum og bræddu smjöri með sojasósu, steinselju og hvítlauk. Það er mikilvægt að setja mikið af smjörblöndunni yfir fiskinn. Ef einhver vill skreyta sinn disk með svolítilli smjörklípu má hann það.
Verði ykkur að góðu
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
