20. nóvember - 27. nóvember - Tbl 47
Margvíslegt hlutverk bráðamóttöku SAk
Afgreiðsla bráðamóttökunnar gegnir margvíslegu hlutverki, eins og lesa má um í rammaklausu neðst á síðunni. Öllum sem þangað leita er forgangsraðað eftir bráðleika skv. ESI-kerfi.
Markmið bráðamóttöku Sjúkrahússins á Akureyri er að veita bestu mögulegu þjónustu hverju sinni. Öllum sem þangað leita er forgangsraðað samkvæmt ESI-kerfi (e. Emergency Severity Index). Markmiðið með forgangsflokkuninni er að meta ástand sjúklinga sem leita á bráðamóttöku fljótt og á kerfisbundinn hátt.
Pálmi Óskarsson, yfirlæknir bráðamóttökunnar, segir að yfirleitt annist hjúkrunarfræðingur þetta fyrsta mat en stundum læknir. „Sumir skjólstæðingar okkar þekkja ekki kerfið og gera stundum athugasemdir við starfsfólk ef einhver sem kemur á eftir viðkomandi inn á biðstofuna fær meðhöndlun fyrr.“
Hann segir biðtímann á bráðamóttökunni að meðaltali um 10 mínútur en geti verið lengri á álagstímum. „Stuttur biðtími er einn af gæðavísum SAk og við kappkostum að halda honum innan 10 mínútna marksins. Bráðleiki sjúklings er metinn frá 1-5 þar sem hæsti forgangsflokkur er 1 en minnsti bráðleiki 5. Þetta mat ræður því í hvaða röð sjúklingarnir fá meðhöndlun.“
Tengistöð við aðrar deildir
Það sem gerist í framhaldinu ræðst af alvarleika þess sem hrjáir viðkomandi skjólstæðing. Pálmi nefnir myndatöku og frekari rannsóknir sem dæmi, sumir fari beint í aðgerð, öðrum er e.t.v. vísað á aðrar deildir SAk og í sumum tilvikum bent á önnur úrræði, svo sem heilsugæsluna (HSN); það fari allt eftir bráðleika í hverju tilviki.
„Bráðamóttakan er fyrsti viðkomustaður flestra sem leggjast inn á sjúkrahúsið, eins konar tengistöð við aðrar deildir þess,“ segir Pálmi. Hann segir að með nokkurri einföldun megi skipta bráðalækningum í þrjú þrep: Að leggja mat á ástand sjúklings, að veita bráðameðferð og loks að koma sjúklingi í réttan farveg í framhaldinu.
„Fólk kemur stundum til okkar með erindi sem eru alls ekki bráð. Auðvitað er mikilvægt að sinna því fólki en við leitum stöðugt leiða til að geta sinnt bráðaþjónustunni sem best. Heppilegast væri að koma eftirfylgni og minna bráðum tilvikum annað.“ Í því sambandi nefnir hann að SAk sé m.a.í mjög góðu samstarfi og samráði við HSN.
Mest að gera í bongóblíðu!
Pálmi segir að júlímánuður hafi verið annasamasti tíminn á deildinni mörg undanfarin ár og býst við að það breytist ekki. „Aðsóknin hingað er í beinu samhengi við veðrið, ef svo má segja. Þegar bongóblíða er á Akureyri fyllist bærinn af fólki alls staðar af. „Formúlan“ er einfaldlega sú að því fleiri sem eru í bænum eða á Eyjafjarðarsvæðinu, því fleiri slys og óhöpp geta átt sér stað.“
Hann nefnir ennfremur fjölmennar hátíðir og íþróttamót sem álagspunkta á bráðamóttökunni, svo sem Bíladaga, N-1 og Pollamótshelgina, Fiskidaginn mikla og öldungamót í blaki. „Þegar slíkar fjöldasamkomur eru fyrirhugaðar reynum við að þétta mönnunina og hafa sem flest starfsfólk tiltækt,“ segir hann. Tíð koma skemmtiferðaskipa leiði einnig af sér aukið álag hjá deildinni.
Vilja kynna sem flestum starfsemina
Bæjarstjórn Akureyrar þáði nýverið boð um að koma og kynna sér starfsemi bráðamóttökunnar. „Við höfum áhuga á að kynna fleiri hópum starfsemina hér og tökum vel í allar fyrirspurnir þess efnis,“ segir Pálmi.
Hann segir gott að sem flestir þekki það kerfi sem deildin vinnur eftir. „Þetta er vel búin deild, bæði hvað varðar húsakost og tækjakost og svo er starfsfólkið frábært. Við viljum gjarnan að sem flestir sjái það með eigin augum hversu faglega er að öllu staðið hérna.“
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
