13.nóvember - 20.nóvember - Tbl 46
Mannlífið fyrir neðan bakka á Húsavík: Myndasyrpa
Það er stöðugur straumur fólks á hafnarsvæðinu á Húsavík og öll bílastæði full. Myndirnar eru teknar laust eftir hádegið og var mannlífið síst minna en á sama tíma um Mærudagshelgina. Myndir/epe
Húsvíkingar hafa notið besta sumars í manna minnum en hitinn hefur varla farið niður fyrir 20 gráður síðan í byrjun júlí. Dagurinn i dag er þar engin undantekning og á meðan blíðunnar nýtur blómstar mannlífið sem aldrei fyrr.
Blaðamaður fór í smá göngutúr niður fyrir bakka og festi mannlífið á myndir sem sjá má hér að neðan. Myndirnar má sjá stærri með því að smella á þær.
Vetingastaðir hafa notið góðs af veðurblíðunni undanfarnar vikur og þar er fullt út úr dyrum nánast alla daga vikunnar
Það er ekki bara mannlíf á bryggjunni á Húsvík því þar iðar allt af hundalífi einnig.
Þegar erfitt er að komast að á veitingastöðunum er þjóðráð að taka með sér nesti og tilla sér á grjótgarðinn. Lifa og njóta.
Starfsfólk hvalaskoðunarfyrirtækja hafa í nógu að snúast þessa daganna og bjóða upp á fjölbreytt úrval skemmtiferða. Stefán Guðmundsson sagðist vera afar ánægður með sumarið en bátar hans stoppa varla nema yfir blánóttina. Hann var að undirbúa Aþenu fyrir Flateyjarsiglingu þegar blaðamaður hitti á hann.
Það eru ekki bara erlendir ferðamenn sem nýta þjónustu hvalaskoðunarfyrirtækjanna. Þessi glæsilegi hópur var að koma og sjóstangveiðiferð með Aþenu við Lundey. Ferðin var liður í steggjun þess sem mundar aflann í poka fyrir ljósmyndara. Í baksýn má sjá Sverri Yngva Karlsson, skipstjóra sem er að þrífa og gera klárt fyrir næstu siglingu; til Flateyjar. Hann sagði að það hafi verið mokafli og allir glaðir.
Það mátti sjá hvalaskoðunarbát við hvalaskoðunarbát, fulla af ánægðum ferðamönnum þesssa stuttu stund sem blaðamaður staldraði við á bryggjunni. Sannkölluð gósentíð ferðaþjónustunnar, ekki veitir af á þessum undarlegu tímum.
Blaðamaður leit einnig við hjá eldhressum Kaðlínkonum, þeim Ásdísi Kjartans og Höllu Haralds sem stilltu sér upp fyrir ljósmyndara. Þær sögðu að sumarið sé búið að vera mjög gjöfult. Mikil umferð inn um dyrnar í Naustagarði og góð sala. Það skal tekið fram að þær tóku grímurnar bara niður eitt augnablik fyrir myndatöku og fjarlægðartakmörk voru virt á meðan.
Hvalasafnið var fullt út úr dyrum þegar blaðamann bar þar að garði, og sagði starfsfólk safnsins að þannig væri það búið að vera upp á síðkastið.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
