Lög Gunnars Þórðarsonar hljóma í Hofi n.k. laugardagskvöld
„Við hlökkum gríðarlega mikið til að koma norður, það er alltaf gott að vera Akureyri sem er yndislegur bær,“ segir Hulda Jónasdóttir viðburðarstjóri en um þar næstu helgi, laugardaginn 22. mars kl. 20.20 verða tónleikar í Menningarhúsinu Hofi sem tileinkaðir eru Gunnari Þórðarsyni. Yfirskrift þeirra er Himinn og jörð.
„Þetta ferðalag okkar hófst fyrir ári síðan og hefur gengið alveg ótrúlega vel,“ segir hún. Tvennir tónleikar hafa verið haldnir í Salnum í Kópavogi, fyrir fullu húsi í bæði skiptin. Hún segir hópinn sem stendur að tónleikunum vera í góðu sambandi við hjónin Gunnar Þórðarson og Toby Herman og svo hafi verið í gengum allt ferlið. „Þau hafa heiðrað okkur með nærveru sinni á tónleikum og eru afar hlý og elskuleg,“ segir hún.
Fjölbreytt lagaval
Hulda segir hópinn hafa komið nokkrum sinnum í Hof og þar sé frábært að halda tónleika. „Við heiðruðum m.a. Helenu Eyjólfs fyrir nokkrum árum og það skapaðist einstök stemning enda Helena yndisleg kona,“ segir Hulda.
Hún segir að erfitt hafi verið að velja lög á tónleikana, valið standi á milli fjölmargra fallegra laga. „En við reyndum að hafa þetta fjölbreytt og því munu hljóma lög vítt og breytt af ferli Gunna, Hljómar -Trúbrot- Sóló- Þú og Ég og lög af Vísnaplötunum svo eitthvað sé nefnt. Sérstakir gestir eru Stúlknakór Glerárkirkju undir stjórn Margrétar Árnadóttur sem tekur þátt í flutningi laga af Vísnaplötunni.
Samdi yfir 800 lög
Gunnar Þórðarson er einn ástsælasti tónlistarmaður þjóðarinnar fyrr og síðar. Hann hefur samið yfir 800 lög og hefur auk þess samið tónlist fyrir kvikmyndir og söngleiki.
Einnig hefur hann útsett og stjórnað upptökum á fjölda hljómdiska. Á síðustu árum hefur Gunnar í vaxandi mæli fengist við klassíska tónlist og hefur Sinfóníuhljómsveit Íslands flutt nokkur verka hans. „Á þessum tónleikum munum við flytja nokkrar fallegar dægurlagaperlur Gunnars, lög á borð við: Fyrsti kossinn, Bláu augun þín, Gull, Vetrarsól og mörg, mörg fleiri,“ segir Hulda.
Nýjast
-
Endurbætur og viðhald á göngugötunni á Akureyri
Endurbætur og viðhald á göngugötunni í Hafnarstræti á Akureyri hafa verið til umræðu undanfarið eftir að skýrsla um að verulega slæmt ástand götunnar, að Ráðhústorgi meðtöldu var birt nýverið. -
Lög Gunnars Þórðarsonar hljóma í Hofi n.k. laugardagskvöld
„Við hlökkum gríðarlega mikið til að koma norður, það er alltaf gott að vera Akureyri sem er yndislegur bær,“ segir Hulda Jónasdóttir viðburðarstjóri en um þar næstu helgi, laugardaginn 22. mars kl. 20.20 verða tónleikar í Menningarhúsinu Hofi sem tileinkaðir eru Gunnari Þórðarsyni. Yfirskrift þeirra er Himinn og jörð. -
Þorgerðartónleikar á morgun miðvikudag
Þorgerðartónleikar Tónlistarskólans á Akureyri verða í Hömrum, Hofi miðvikudaginn 19. mars næstkomandi kl 20:00. -
Brynja leigufélag bætir við sig íbúðum
Bæjarráð Akureyrar hefur samþykkt umsókn um stofnframlög vegna kaupa á íbúðum fyrir öryrkja á Akureyri. Gert er ráð fyrir 12% stofnframlagi Akureyrarbæjar vegna kaupa á fimm ibúðum á þessu ári. -
Þingeyjarsveit - Nýr snjótroðari í Kröflu
Þingeyjarsveit hefur fest kaup á snjótroðara til að nota á skíðasvæðinu í Kröflu. Íþróttafélagið Mývetningur mun hafa umsjón með notkun tækisins, en félagið hefur unnið gríðarlega mikilvægt starf síðustu ár við að byggja upp öflugt skíðastarf á svæðinu. -
Milljónatjón í óveðri í byrjun febrúar
Óveður sem gekk yfir dagana 5. og 6. febrúar olli miklum skemmdum og hleypur tjón á milljónum þó heildartala hafi ekki verið tekin saman. Fyrir liggur að hefja lagfæringar og einnig að grípa til aðgerða svo koma megi í veg fyrir að sambærilegt tjón verði í framtíðinni. -
Listasafnið á Akureyri: Þriðjudagsfyrirlestur - Brynja Baldursdóttir
Þriðjudaginn 18. mars kl. 17-17.40 heldur myndlistarkonan Brynja Baldursdóttir Þriðjudagsfyrirlestur í Listasafninu á Akureyri undir yfirskriftinni Ferð um hið innra landslag. Aðgangur er ókeypis. -
Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska. -
Akureyri - Nýr sjóvarnargarður
Framkvæmdum er lokið við 350 metra langan varnargarð sem nær frá frystihúsi ÚA og suður að Tangabryggju
