Endurbætur og viðhald á göngugötunni á Akureyri
Endurbætur og viðhald á göngugötunni í Hafnarstræti á Akureyri hafa verið til umræðu undanfarið eftir að skýrsla um að verulega slæmt ástand götunnar, að Ráðhústorgi meðtöldu var birt nýverið.
Á fundi umhverfis- og mannvirkjaráðs var lögð fram og kynnt hönnun á Hafnarstræti, Ráðhústorgi og næsta umhverfi sem unnið var að á árunum 2017 til 2018. Teiknistofa Norðurlands sá um þá hönnun og segir Arnar Birgir Ólafsson eigandi stofunnar og landslagsarkitekt að fyrsti áfangi tillögunnar hafi farið í framkvæmd sumarið 2017. Þá voru sett upp ný trjábeð, grjóthleðslur, bekkir og ruslabeður, ljós og hjólastandar í Hafnarstræti. Síðan hefur orðið hlé á framkvæmdum.
Verið að skoða og meta næstu skref
Guðríður Friðriksdóttir sviðsstjóri umhverfis- og mannvirkjasviðs Akureyrarbæjar segir að verið sé að skoða næstu skref varðandi endurbætur á þessu svæði. Það þurfi sem dæmi að skoða með umferð um þetta svæði til framtíðar, það skipti máli varðandi allar hönnunarforsendur við verkefnið. Það geri sér allir grein fyrir að ástandið sé slæmt og að grípa þurfi til aðgerða, en nú sé verið að skoða og meta málið. „Þetta er andlit bæjarins og því skiptir máli að umhverfið sé skemmtilegt og aðlaðandi og að fólk vilji dvelja í miðbænum og eiga þar góðar stundir. Verkefnið er spennandi og við munum fara vel yfir það á næstu vikum,“ segir Guðríður.
Nýjast
-
Endurbætur og viðhald á göngugötunni á Akureyri
Endurbætur og viðhald á göngugötunni í Hafnarstræti á Akureyri hafa verið til umræðu undanfarið eftir að skýrsla um að verulega slæmt ástand götunnar, að Ráðhústorgi meðtöldu var birt nýverið. -
Lög Gunnars Þórðarsonar hljóma í Hofi n.k. laugardagskvöld
„Við hlökkum gríðarlega mikið til að koma norður, það er alltaf gott að vera Akureyri sem er yndislegur bær,“ segir Hulda Jónasdóttir viðburðarstjóri en um þar næstu helgi, laugardaginn 22. mars kl. 20.20 verða tónleikar í Menningarhúsinu Hofi sem tileinkaðir eru Gunnari Þórðarsyni. Yfirskrift þeirra er Himinn og jörð. -
Þorgerðartónleikar á morgun miðvikudag
Þorgerðartónleikar Tónlistarskólans á Akureyri verða í Hömrum, Hofi miðvikudaginn 19. mars næstkomandi kl 20:00. -
Brynja leigufélag bætir við sig íbúðum
Bæjarráð Akureyrar hefur samþykkt umsókn um stofnframlög vegna kaupa á íbúðum fyrir öryrkja á Akureyri. Gert er ráð fyrir 12% stofnframlagi Akureyrarbæjar vegna kaupa á fimm ibúðum á þessu ári. -
Þingeyjarsveit - Nýr snjótroðari í Kröflu
Þingeyjarsveit hefur fest kaup á snjótroðara til að nota á skíðasvæðinu í Kröflu. Íþróttafélagið Mývetningur mun hafa umsjón með notkun tækisins, en félagið hefur unnið gríðarlega mikilvægt starf síðustu ár við að byggja upp öflugt skíðastarf á svæðinu. -
Milljónatjón í óveðri í byrjun febrúar
Óveður sem gekk yfir dagana 5. og 6. febrúar olli miklum skemmdum og hleypur tjón á milljónum þó heildartala hafi ekki verið tekin saman. Fyrir liggur að hefja lagfæringar og einnig að grípa til aðgerða svo koma megi í veg fyrir að sambærilegt tjón verði í framtíðinni. -
Listasafnið á Akureyri: Þriðjudagsfyrirlestur - Brynja Baldursdóttir
Þriðjudaginn 18. mars kl. 17-17.40 heldur myndlistarkonan Brynja Baldursdóttir Þriðjudagsfyrirlestur í Listasafninu á Akureyri undir yfirskriftinni Ferð um hið innra landslag. Aðgangur er ókeypis. -
Lokaorðið ,,Megir þú lifa áhugaverða tíma"
Þegar Kínverjar til forna vildu óska fjendum sínum ills óskuðu þeir þess að fjendurnir lifðu áhugaverða tíma. Sjálfur hef ég aldrei skilið þetta, því ég hef alltaf óskað þess að fá að lifa áhugaverða tíma. Áhugaverðum tímum fylgja langar nætur, mikil spenna og erfiðar áskoranir. Aðeins með því að mæta slíku geta menn kynnst sjálfum sér og öðlast styrk og þroska. -
Akureyri - Nýr sjóvarnargarður
Framkvæmdum er lokið við 350 metra langan varnargarð sem nær frá frystihúsi ÚA og suður að Tangabryggju
