Ljóð og vísur eftir Hjálmar Freysteinsson
Bókaútgáfan Hólar hefur sent frá sér bókina Ekki var það illa meint eftir Hjálmar Freysteinsson, fyrrum heimilislækni á Akureyri. Hjálmar var fæddur árið 1943 og lést árið 2020. Hann var landsþekktur fyrir skemmtilegar og vel gerðar vísur, kom víða fram á hagyrðingamótum og öðrum samkomum og vakti oft gríðarlega kátínu með kveðskap sínum.
„Hjálmar var skáld hlátursins og gleðinnar, hann var aldrei rætinn eða klúr, bara skemmtilegur,“ segir í tilkynningu. Hér að neðan fara nokkur dæmi um kveðskap Hjálmars.
Á Lágheiði djúp eru díkin,
þar drukknaði Móskógatíkin.
En banamein Hreins,
bakarasveins,
það var þágufallssýkin.
Önnur heitir Mátti ekki seinna vera:
Arnfríður Ásgerður Dögg
í ellinni tók á sig rögg
og eignaðist krakka
með Eyvindi skakka.
Varð þá að vera mjög snögg.
Ein heitir einfaldlega Eðlishvötin:
Eðlishvöt sumra er ýkt
og erfitt að ráða við slíkt.
Þegar Ólöf á Bakka
eignaðist krakka
sagð‘ ún: „Já, þetta var Þorsteini líkt!“
Og svo er vísað í söguna. Sú næsta heitir Í útilegu.
„Ég er komin með hundleið‘ á köllum,
þeirra karlrembutilburðum öllum,“
mælti Halla eitt kvöld,
höstug og köld.
Þá kom Eyvindur alveg af fjöllum.
Bókinni er skipt í nokkra kafla eftir yrkisefnum. Í einum þeirra eru vísur um veðrið, hið sígilda umræðuefni okkar Íslendinga, t.d. þessi um Lognið í Hrútafirði:
Í Hrútafirði er himinn blár
og heiðríkt daga alla.
Þar bærist ekki á höfði hár
hafirðu beran skalla.
Sumar vísurnar hafði Hjálmar birt á fésbókarsíðu sinni og þeim fylgir jafnan dagsetning í bókinni til þess að auðvelda lesendum að átta sig á tilefninu. Þannig er t.d. vísan Menningarnótt dagsett 17. ágúst 2018:
Í miðborginni á Menningarnótt
mun ei láta sjá mig!
Þar verður bara ullað á mig.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
