Líf og fjör á Háskóladeginum
Háskóladagurinn var haldinn í fyrsta sinn á Akureyri síðast liðinn laugardag í húsnæði Háskólans á Akureyri. Þar kynntu allir háskólar landsins sitt námsframboð, hægt var að spjalla við starfsfólk og stúdenta og skoða áhugaverða hluti tengda náminu. Áslaug Arna Sigurbjörnsdóttir, ráðherra háskóla-, iðnaðar og nýsköpunar setti daginn eftir fund með öllum rektorum íslenskra háskóla fyrr um daginn.
Sprengju-Kata sló í gegn
Mikið var um dýrðir og var meðal annars míniskúlptúrsmiðja á vegum Listaháskólans, hægt var að tæta í sundur tölvur og setja þær saman aftur með stúdentum úr HR og Sprengju-Kata HÍ sló í gegn hjá yngri kynslóðinni.
„Það er algerlega ómetanlegt að fá daginn hingað í HA þannig að verðandi nemendur og aðrir áhugasamir hafi tækifæri til að kynna sér nám allra íslensku háskólanna á einum stað. Svo á dagurinn bara vonandi eftir að festa sig í sessi hjá Akureyringum og Norðlendingum öllum,” segir Eyjólfur Guðmundsson, rektor Háskólans á Akureyri.
Samstarf allra háskólanna sjö
Háskóli Íslands, Háskólinn í Reykjavík, Listaháskóli Íslands, Háskólinn á Hólum, Háskólinn á Bifröst og Landbúnaðarháskólinn ásamt Háskólanum á Akureyri standa allir sameiginlega að undirbúningi Háskóladagsins sem hingað til var einungis haldinn í Reykjavík. Í kjölfarið er svo farin hringferð um landið þar sem Háskóladagurinn kemur við í völdum framhaldsskólum á landinu.
„Það er flott stemmning í undirbúningshópnum enda erum við búin að þekkjast í nokkur ár og því vinnum við þetta vel saman. Við eigum það sameiginlega markmið að vilja miðla til útskriftarárganga framhaldsskólanna allt það flotta háskólanám sem er í boði við íslenska háskóla,“ segir Katrín Árnadóttir, forstöðumaður Markaðs- og kynningarmála við Háskólann á Akureyri og bætir við: „Hver háskóli hefur síðan sína sérstöðu og það er gott.“
Kynning frá fyrstu hendi
Reynslan hefur sýnt að fólk vill fá að spjalla við háskólanemendur sem eru nú þegar í námi – fá reynsluna svo að segja frá fyrstu hendi. „Við eigum svo flotta nemendur í HA sem eru til í að standa vaktina og kynna námið fyrir áhugasömum, það myndast skemmtilegur hópur sem sinnir kynningarstarfinu og við erum stolt af háskólanum okkar,“ segir Alda Rut Sigurðardóttir, formaður kynningarnefndar Stúdentafélagsins (SHA).
Á vef Háskóladagsins er hægt að kynna sér allar námsleiðir sem íslenskir háskólar bjóða uppá: www.haskoladagurinn.is
Nýjast
-
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina. -
Jaðarsvöllur 18 holur opnar í dag!
Við hjá GA erum gríðarlega ánægð að geta boðið okkar fólki upp á 18 holur af golfi á Jaðarsvelli frá og með deginum í dag! -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar.
