6. nóvember - 13. nóvember - Tbl 45
Leikfélag Hörgdæla frumsýnir Stelpuhelgi í kvöld
Hópurinn saman komin. Efri röð frá vinstri: Juliane Liv Sörensen(Hvíslari), Fanney Valsdóttir (Dot), Lúðvík Áskelsson (Tom), Eyrún Arna Ingólfsdóttir (Ellie), Gunnar Björn Guðmundsson (leikstjóri) Neðri röð frá vinstri: Jenný Dögg Heiðarsdóttir (Meg), Brynjar Helgason (Stephen), Þorkell Björn Ingvason (Bubba), Freysteinn Sverrisson (Rick), Særún Elma Jakobsdóttir (Carol)
Leikfélag Hörgdælinga frumsýnir í kvöld, fimmtudagskvöldið 2. mars verkið Stelpuhelgi eftir Karen Schaeffer í leikstjórn Gunnars Björns Guðmundssonar. Um er að ræða stórskemmtilegan farsa í þýðingu Harðar Sigurðarsonar, framkvæmdastjóra Bandalags Íslenskra Leikfélaga – og í fyrsta skipti sem verkið er sett upp hérlendis. Sýningar verða á Melum í Hörgárdal.
Gunnar Björn leikstýrir hjá Leikfélagi Hörgdæla í annað sinni, en áður setti hann upp Gauragang með félaginu fyrir fáum árum. „Þau ákváðu verkið og höfðu samband við mig, ég var ekki lengi að slá til, þetta er frábær leikhópur, gott hús og sterkt leikfélag,“ segir hann.
Í verkinu kynnast áhorfendur vinkonunum Meg, Carol, Dot ásamt Ellie dóttur Megs - sem hittast í bústaðnum hjá Dot yfir helgi með það fyrir augum að skemmta sér til hins ýtrasta lausar við alla karlmenn. Þær vinkonur eru saman í bókaklúbb og ætla að fara yfir bók sem áætlað var að lesa en kemur fljótt í ljós að sumir hafa lesið minna en aðrir. Vinkonurnar fá sér aðeins í tána og gengur það allvel. „Menningarferðin breytist fljótt í fjörugt partý og það koma upp hugmyndir um að fá nokkra karla sem þær eru í tygjum við til að koma, en það er óveður úti. Löggan blandast aðeins inn í málið þannig að segja má að allt sem prýðir góðan gamanleik sé í boði í þessu verki,“ segir Gunnar Björn. „Við höfum fengið áhorfendur í salinn og það var mikið hlegið, allir skemmtu sér mjög vel, þannig að við eigum von á að alls konar hópar taki sig saman og komi í leikhús ferð í sveitina.“
Hann segir að leikhópurinn hafi verið í sambandi við höfundinn, Karen Schaeffer sem sé himinlifandi yfir að verið sé að setja verkið upp norður á Íslandi. Alls taka 8 leikarar þátt í sýningunni en hópurinn sem stendur á bak við uppsetningu er mun fjölmennari, að líkindum á bilinu 20 til 30 manns þegar allt er talið.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
