Leikdómur - Geðveik sýning
Freyvangsleikhúsið frumsýndi 16.febrúar,Gaukhreiðrið eftir samnefndri bók Ken Kensey og leikgerð Dale Wasserman í þýðingu Karls Ágústs Úlfssonar.
Leikstjóri: Gunnar Björn Guðmundsson.
Það var mikil eftirvænting í loftinu þegar ég fór ásamt móður minni í leikhús sl föstudagskvöld. Þokan lá þétt í firðinum og varla hægt að sjá og finna leikhúsið fyrir henni. Þegar inn var komið, tók við troðfullur salur af fólki og eftirvæntingin lá í loftinu enda frumsýning.
Síðan hefst sýningin.
Leikverkið segir sögu indíanahöfðingjans Bromden sem hefur verið lengi á geðsjúkrahúsi í Bandaríkjunum. Bromden segir frá komu R.P. McMurphy á deildina og hvaða áhrif hann hafði á sjúklinga og starfsfólk hælisins. McMurphy hafði séð sér leik á borði og leikið sig geðveikan til þess að losna við fangelsisvist. Hann lendir þar í útistöðum við frú Ratchet forstöðukonu hælisins sem stjórnar hælinu vægast sagt með harðri hendi.
Frá fyrstu mínútu varð ég fyrir mikilli upplifun. Leikmynd, förðun, búningar, grafík, hljóð og ljós spiluðu saman til að mynda frábæra heild.
Hver leikarinn af fætur öðrum inn á svið með frábæra frammistöðu.
Það væri svo freistandi að telja upp nöfn en það er of mikið, því það eru svo margir sem skapa frábæra heild, innan sviðs og utan.
Það hefur mikil áhrif að hér er um að ræða sögu sem gæti verið sönn. Vitandi það, fann ég allan tímann fyrir ógninni og spennunni gagnvart ægivaldi forstöðukonunnar. Ógnin á hælinu var áþreifanleg.
Gaukshreiðrið er hrollvekjandi, sorgleg, bráðfyndin og skemmtileg sýning um meðferð sem geðsjúkir fengu áður. Skurðaðgerð, þar sem skorið var í fremsta hluta heilans, hið svokallaða ennisblað eða framheila. Aðgerðin gat stundum linað andlegar þjáningar fólks en olli líka miklum og oft alvarlegum persónuleikabreytingum.
Þarna er á ferðinni afar góð uppsetning, einstaklega góð hlutverkaskipan og leikstjórn en líka gríðarlega vönduð vinnubrögð í allri uppsetningunni.
Ég og móðir mín sem fórum saman á frumsýninguna vorum verulega hátt uppi þegar við keyrðum í bæinn eftir sýningu. Við töluðum mikið og ræddum sýninguna. Það var í senn óhugur í okkur en líka gleði því á köflum var sýningin svo bráðfyndin. Við vorum sammála um að þessi sýning væri fyrir alla fullorðna. Reyndar var ég í svo mikilli geðshræringu eftir sýningu að ég var nálægt því að bresta í grát. Það er nú ekki mikið betra leikhús en það, sem kemur manni til að hlæja og grenja.
Til hamingju með þessa sýningu.
Hún er einfaldlega geðveik!!!!
Pétur Guðjónsson fór í leikhús
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
