27. nóvember - 4. desember - Tbl 48
Laun flestra hækka um 65 þúsund krónur á mánuði eða liðlega 12 %
Vinnslusalur fiskvinnsluhúss Samherja á Dalvík Mynd Samherji.is
Samtök atvinnulífsins og Starfsgreinasamband Íslands undirrituðu nýverið nýjan kjarasamning vegna starfa á hinum almenna vinnumarkaði. Þessa dagana er verið að kynna samninginn, niðurstaða atkvæðagreiðslu liggur fyrir síðar í mánuðinum. Flestir starfsmenn í fiskvinnsluhúsum Samherja og Útgerðarfélags Akureyringa á Dalvík og Akureyri eru í Einingu Iðju, sem er aðili að samningnum.
65 þúsund króna hækkun á mánuði
Verði samningurinn samþykktur er ljóst að laun flestra starfsmanna Samherja og tengdra félaga hækka umtalsvert. Samkvæmt heimasíðu Einingar Iðju hækka dagvinnulaun fiskverkafólks með sjö ára starfsreynslu um nærri 65 þúsund krónur á mánuði en flestir starfsmenn í fiskvinnsluhúsunum eru með sjö ára starfsaldur eða hærri. Heildardagvinnulaun með bónus hækka um 12,4% og verða 625 þúsund krónur á mánuði, samkvæmt heimasíðu félagsins.
Bónusinn hækkar
Niðurstaðan sem kynnt er á heimasíðu Einingar Iðju er í meginatriðum í samræmi við útreikninga Samherja. Samkvæmt kynningu á heimasíðu félagsins hækkar bónus um 13.866 krónur á mánuði og verður samkvæmt nýjum samningi liðlega 187 þúsund krónur á mánuði.
Í þessu sambandi er rétt að árétta að samkvæmt samningum er bónus ekki greiddur á t.d. frídögum. Sé tekið tillit til þess, er hækkunin að jafnaði 12,700 krónur á mánuði.
Enginn starfmaður á lægsta taxta
Samtök atvinnulífsins hafa í sínum kynningum almennt talað um að grunntaxtar hækki samkvæmt samningnum um 35 þúsund krónur á mánuði. Sú hækkun er miðuð við byrjunarlaun á lægsta taxta og engan bónus. Rétt er að undirstrika að enginn hjá Samherja eða tengdum félögum fær laun greidd samkvæmt þessum forsendum. Hækkunin er umtalsvert meiri, eins og fyrr segir.
Bónusgreiðslur þrisvar sinnum hærri hjá Samherja og tengdum félögum
Í nýjum kjarasamningi er tekið fram að lágmarksbónusar í fiskvinnslu skuli hækka úr 295 krónum í 319 krónur á klukkustund. Bónusgreiðslur í fiskvinnslum Samherja og Útgerðarfélags Akureyringa eru rúmlega þrisvar sinnum hærri en lágmarkið og hækka úr um 1.000 krónur á klukkustund í 1.080 krónur á klukkustund.
Frá þessu segir á heimasíðu Samherja
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
