Landeigendur tveggja jarða í Svalbarðsstrandarheppi stefna Skógræktarfélagi Eyjafjarðar
Landeigenda tveggja jarða í Svalbarðsstrandarhreppi, Veigastaða og Halllands hafa stefnt Skógræktarfélagi Eyfirðinga og var málið dómtekið í Héraðsdómi Norðurlands eystra í byrjun mars. Gert er ráð fyrir að málflutningur fari fram í lok þessa mánaðar. Vaðlaskógur sem er í eigu skógræktarfélagsins liggur í landi fjögurra jarða í tveimur sveitarfélögum, auk Veigastaða og Halllands eru það Ytri- og Syðri Varðgjá í Eyjafjarðarsveit. Fram kemur í ályktun frá Skógræktarfélaginu að stefnan sé til komin vegna tilrauna landeigenda til að hafa af félaginu umráðarétt yfir landi skógarins.
„Réttur fólks til að stefna félaginu er skýr og við virðum hann,“ segir Ingi Jóhannsson framkvæmdastjóri Skógræktarfélags Eyjafjarðar. Hann segir að gera megi ráð fyrir niðurstöðu í Héraðsdómi næsta haust gangi allt eftir en líkur á að haldið verið áfram með málið upp á næsta dómstig séu líklegar, þannig að gera megi ráð fyrir langvarandi málaferlum og dýrum.
Árið 1936 létu þáverandi landeigendur áðurnefndra jarða af hendi umráðarétt yfir landi Vaðlaskógar. Fyrir síðustu jól sögðu landeigendur jarðanna tveggja upp þessum samningi.
Saga skógræktar á Íslandi skrifuð í skóginn
Félagið hóf strax ári eftir að samningur var gerður vinnu við að girða af reitinn og rækta skóg, og hefur æ síðan ræktað upp Vaðlaskóg, sinnt grisjun, lagt stíga, brúað læki og sinnt öðrum störfum sem ræktuninni fylgja. Vaðlaskógur er elsti ræktaði skógarreiturinn í umsjón félagsins en þar var ekki að finna eina einustu trjáplöntu þegar ræktun hófst. „Saga skógræktar á Íslandi er skrifuð í Vaðlaskóg, en ræktun hans hófst fyrir 90 árum og þá voru menn að taka fyrstu skrefin í skógrækt og gera tilraunir með alls kyns plöntur til að sjá hvað gengi upp,“ segir Ingi.
„Skógrækt krefst þolinmæði og er verkefni margra kynslóða og er í raun eilífðarverkefni. Einmitt þess vegna voru landeigendur og stjórnarmenn árið 1936 svo forsjálir að útbúa umráðaréttarsamninginn án uppsagnarákvæðis. Aðilar samningsins áttuðu sig fyllilega á því að þessu samningssambandi yrði ekki slitið nema í því eina undantekningartilfelli að starfsemi skógræktarfélagsins myndi leggjast niður,“ segir í ályktun stjórnar Skógræktarfélags Eyjafjarðar.
Stöndum vörð um þessa náttúruperlu
Frá upphafi hefur markmiðið með ræktun skógarins meðal annars verið að skapa yndisreit fyrir almenning til að njóta útivistar í skjóli trjánna. Skógrækt skapar mikil verðmæti. Efnahagsleg- og ekki síst óefnisleg verðmæti s.s. skjól fyrir fólk og fugla, gróður og smádýr. Óeigingjarnt starf skógræktarfélagsins síðastliðin 87 ár hefur orðið til þess að Vaðlaskógur er nú mjög dýrmætur. Stjórn Skógræktarfélags Eyfirðinga mun þess vegna standa vörð um Vaðlaskóg sem er óviðjafnanleg náttúruperla í hjarta Eyjafjarðar.
Nýjast
-
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k.
