20. nóvember - 27. nóvember - Tbl 47
,,Lærði meira á viku heldur en á heilum mánuði”
Nýtt met var slegið í þátttöku en alls voru um 90 ungmenni skráð til leiks þar sem drengir voru í meirihluta nemenda. Mynd/Unak.is
Þrátt fyrir að stúdentar Háskólans á Akureyri séu farnir í sumarfrí var mikið líf og fjör á göngum háskólans í síðustu viku en þá fór Vísindaskóli unga fólksins fram. Nýtt met var slegið í þátttöku en alls voru um 90 ungmenni skráð til leiks þar sem drengir voru í meirihluta nemenda. Greint er frá þessu á vef háskólans.
Á hverju ári hefur skólinn boðið nemendum upp á ný og krefjandi verkefni. Að þessu sinni voru yfirskriftir verkefnanna: Tónar og leikur, Að eiga hvergi heima, Laganna verðir og gæludýr, Vatnið er verðmæti og Áhrifavaldarnir í lífi okkar.
Fjölbreytt verkefni og skemmtilegir kennarar
,,Við gerðum ótrúlega fjölbreytta hluti en aðal sem ég man eftir er að blása í nautalungu, snerta hjarta og augu, hitta lögguhunda, búa til úkraínskar dúkkur og búa til fréttablað,” segir Sólveig Kjartansdóttir, 11 ára nemandi Vísindaskóla unga fólksins í ár.
Sólveig segir verkefnin hafa verið mjög fjölbreytt og áhugaverð. ,,Laganna verðir og gæludýr fannst mér skemmtilegast, það var svo gaman að sjá lögguhundinn vinna og leita. Við lærðum um lyktarskyn dýranna og kynntumst því hvernig augun sjá öðruvísi í dýrum en fólki, sem var áhugavert. Svo voru þau með mjög stóran hundabangsa,” segir Sólveig.
Þetta er í níunda skipti sem skólinn starfar en hann er ætlaður ungu fólki á aldrinum 11 til 13 ára. Sólveig segist stefna á að fara aftur í Vísindaskólann næsta sumar. ,,Það kom mér á óvart hvað þetta var allt rosalega fjölbreytt og við lærðum svo rosalega mikið. Það voru mjög margir krakkar í skólanum og kennararnir voru ótrúlega skemmtilegir. Mér fannst ég eiginlega læra meira á viku heldur en á heilum mánuði í skólanum,” segir Sólveig.
Unga fólkið sem breytir heiminum
Vísindaskólanum lauk með formlegri útskriftarathöfn í Hátíðarsal háskólans föstudaginn 16. júní þar sem Elín Díanna Gunnarsdóttir, aðstoðarrektor HA ávarpaði nemendur skólans. Hún lagði áherslu á mikilvægi þess að fara út fyrir þægindarammann og að vera forvitin. ,,Ég vil hrósa ykkur fyrir að koma í Vísindaskólann, taka þátt og vera forvitin, sem er súper mikilvægt. Þið eruð nefnilega þau sem munið breyta heiminum og gera hann enn betri fyrir okkur öll. Aðal málið er að halda áfram að vera forvitin, fara út fyrir þægindarammann ykkar og gera jafnvel eitthvað sem lætur ykkur fá smá fiðrildi í magann og halda áfram að læra eitthvað nýtt. Við hér í Háskólanum á Akureyri getum ekki beðið eftir að fá ykkur aftur til okkar til að læra eitthvað spennandi,” sagði Díanna meðal annars í ávarpi sínu.
Herra Guðni Th. Jóhannesson tók þátt í útskriftarathöfninni þar sem hann heiðraði nemendur. Hann lét ekki þar við sitja heldur sló á létta strengi og svaraði hraðaspurningum nemenda um ólíklegustu hluti: Er erfitt að vera forseti? Hvað þýðir Th. í nafninu þínu? Finnst þér gaman í sundi? Þá fluttu nemendur ávörp í athöfninni og ung efnileg söngkona frá Dalvík, Írena Rut Jónsdóttir, heillaði gesti með söng.
Sigrún Stefánsdóttir og Dana Rán Jónsdóttir héldu utan um framkvæmd skólans. Þær vilja koma á framfæri þakklæti til allra þeirra fjölmörgu sem styrkja skólann og gera það mögulegt að halda þátttökugjaldi í lágmarki.
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
