Kröfum Garðvíkur gegn Norðurþingi hafnað
Vikublaðið greindi frá því fyrir skemmstu að Garðvík ehf. hafi kært framkvæmdir við Garðarsbraut á Húsavík sem unnar voru af Bæjarprýði fyrir Norðuþing, til Kærunefndar útboðsmála.
SJÁ EINNIG: GARÐVÍK KÆRIR NORÐURÞING FYRIR AÐ SEMJA VIÐ BÆJARPRÝÐI
Garðvík fór fram á tafarlausa stöðvun samningsgerða á milli nefndra aðila og stöðvun framkvæmda.
Í þessum hluta málsins tekur nefndin afstöðu til krafna kæranda um stöðvun framkvæmda og að stöðvuð verði frekari samningsgerð við Bæjarprýði ehf. en úrlausn málsins bíður að öðru leyti endanlegs úrskurðar, þ.e. hvort Norðurþing hafi brotið gegn samningsaðila rammasamnings.
Málatilbúnaður Garðvíkur byggir að meginstefnu til á því að Norðurþingi hafi verið óheimilt að ganga til samninga við þau fyrirtæki sem komu að framkvæmdunum án þess að leita fyrst til aðila að rammasamningi nr. 17.09. Vísar Garðvík meðal annars til þess að engin opinber verðkönnun hafi farið fram og að ætla megi að samanlagður kostnaður framkvæmdanna sé yfir 5 milljónir króna. Norðurþing benti á að framkvæmdum við Garðarsbraut sé lokið og þegar af þeirri ástæðu geti krafa Garðvíkur um stöðvun samningsgerðar ekki náð fram að ganga.
Kærunefnd útboðsmála tók kæruna fyrir Samkvæmt upplýsingum frá varnaraðila er framkvæmdunum lokið. Þá verður ekki ráðið af gögnum málsins að fyrirhugað sé af hans hálfu að ganga til samninga við Bæjarprýði ehf. um önnur verk. Samkvæmt framangreindu verður að hafna kröfum kæranda í þessum hluta málsins.
Bréf Kærunefndar útboðsmála þar sem Norðurþingi var greint frá kærunni er dagsett 13. ágúst sl. en þá var framkvæmdunum lokið.
Þar sem framkvæmdum er lokið og engar upplýsingar liggja fyrir um að fyrirhugað sé að sveitarfélagið gangi til samninga við Bæjarprýði um frekari verk, þá hafnaði Kærunefnd báðum kröfum Garðvíkur. Úrskurðurinn var birtur 24. september sl. Úrskurður um brot á rammasamningi er að vænta innan tíðar.
Fréttin hefur verið uppfærð
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
