27. nóvember - 4. desember - Tbl 48
Kortleggur erfðamengi rjúpunnar
Kristinn P. Magnússon, prófessor í sameindaerfðafræði við Háskólann á Akureyri, borðar ekki rjúpur um jólin en þekkir þær þó mun betur en aðrir.
„Við erum að leitast við því að leita orsaka stofnsveiflna rjúpunnar, með því að rýna í erfðamengi hennar sem við höfum nýraðgreint, rannsaka eiturefni í plöntum og áhrif þeirra á grasbítinn. Þá munum við tengja breytileika í örverusamfélögum við heilbrigði hennar. Með þessari breiðu vísindalegu nálgun munum við skilgreina ákveðin svæði eða gen í erfðamenginu sem tengjast náttúruvali /aðlögun vegna ólífræns og lífræns áreitis, sem geta hjálpað okkur að skilja framtíð rjúpunnar á Íslandi í hlýnandi loftslagi,“ segir Kristinn Pétur.
Verkefnið hófst árið 2020 og er unnið í samvinnu við fremstu sérfræðinga á Íslandi, í Bandaríkjunum og Svíþjóð og er styrkt af Rannís. Unnið er að því að kryfja til mergjar, skilja líffræði, vistfræði og þróunarsögu rjúpunnar.
Langar að lesa erfðamengið inn á hljóðbók
Erfðamengi rjúpunnar er búið til úr fjórum bókstöfum og ef það yrði sett á blað myndi bókaröðin spanna 40 bindi. Kristinn Pétur hefur ýjað að því að langa að gefa bókaröðina út sem hljóðbók enda væri auðvelt að sofna út frá lestrinum. En að öllu gamni slepptu þá má segja að með því að heilraðgreina einn fugl þá segir það ekki bara sögu þess fugls heldur sögu heillar tegundar, stofnstærðarsveiflur og þróun tegundarinnar og forfeðra hennar, orrafugla og hænsnfuga.
„Við gerum okkur vonir um að með rannsókninni getum við betur skilið stofnstærðarsveiflur rjúpunnar. Kannski er svarið í erfðamenginu. Svo getum við velt fyrir okkur hvað gerir íslensku rjúpuna svona einstaka og hvort hún muni lifa af næstu 50 árin á Íslandi og á Norðurslóðum,“ segir Kristinn Pétur að lokum.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
