Klemma á byggingamarkaði meðan ástandið er erfitt
„Það er eitthvað til af nýjum óseldum íbúðum á Akureyri, staðan er þannig að mikil óvissa er ríkjandi og margir halda að sér höndum,“ segir Heimir Kristinsson varaformaður Byggiðnaðar, félags byggingamanna. Mikill samdráttur er í fjölda nýrra framkvæmda og nam hann um 68% á milli ára á landsvísu að því er fram kemur í nýjustu talningu Húsnæðis- og mannvirkjastofnunar.
„Byggingamarkaðurinn er í klemmu og það er auðvitað ekki skrýtið. Það fara sér allir hægt þegar ástandið er með þeim hætti í efnahagsmálum hér á landi og raun ber vitni. Það á við um verktaka sem fjármagna sínar framkvæmdir með lánsfé sem alls ekki er fýsilegt að taka þegar vextir eru mjög háir eins og núna, það vilja fæstir skuldsetja fyrirtækin sín um of. Fólk sem undir eðlilegum kringumstæðum hefði hug á að skipta um húsnæði, fara í minna eða stærra, eða kaupa nýtt sýnir einnig varkárni og ég hef á tilfinningunni að það séu margir að bíða. Það eru líka margir sem hafa alls ekki efni á að kaupa nýjar íbúðir eins og sakir standa,“ segir Heimir og nefnir að alls óvíst sé hvenær staðan lagist.
Við búið sé að þegar ástandið skánar og verktakar og almenningur fara af stað á ný af fullum krafti megi búast við að sagan endurtaki sig. Þetta sé vítahringur sem erfitt sé að komast úr.
„Þessi ófyrirsjáanleiki sem er ríkjandi um þessar mundir er mjög slæmur, óvissan um hvernig mál þróast er mikil, sem dæmi veit enginn nú hvernig Seðlabankinn hyggst taka á þeirri sjóhengju sem vofir okkur og mun falla, hvernig þetta allt saman eigi að enda,“ segir Heimir. Það sé bankans og stjórnvalda að ráða niðurlögum verðbólgunnar og vinna að bættu ástandi efnahagsmála, „og auðvitað viljum við sjá einhverja aðra leið út úr vandanum en að kreista niður launahækkanir frá almennu launafólki.“
Engar uppsagnir
Heimir segir að þrátt fyrir að staðan hafi almennt oft verið betri, sé nokkur bjartsýni ríkjandi norðan heiða nú þegar siglt er inn í veturinn. Það hafi ekki komið til uppsagna hjá byggingafyrirtækjum og hann hafi ekki heyrt af að þær séu yfirvofandi. „Það er ákveðinn léttir og vekur bjartsýni á að menn komist í gegnum þetta ástand, þó vissulega séu blikur á lofti. Það eru mér vitanlega allir með næg verkefni, en halda líka vissulega að sér höndum margir á meðan staðan er eins og hún er.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
