Kirkjustarf á Húsavík með óhefðbundnu sniði
Samkomutakmarkanir Landlæknis hafa haft talsverð áhrif á kirkju starf á Húsavík. Í samtali við Vikublaðið sagði Sólveig Halla Kristjánsdóttir sóknarprestur að fyrst og fremst hefði þetta áhrif á athafnir. „Það eru fjórar fermingar núna í ágúst. Upphaflega áttu þær að vera tvær en við skiptum upp hópunum. Þetta eru þrjú og fjögur börn sem ég er að ferma í einu og hvert fermingarbarn má bjóða fyrirfram ákveðnum fjölda gesta. Þannig að þetta er mjög fátt í kirkjunni,“ segir hún.
Fjöldatakmarkanir leyfa að allt að 100 manns komi saman í einu en til þess að geta virt tveggja metra regluna segir Sólveig Halla að það sé hægt að taka á móti um það bil 80 manns í athafnir en þá er miðað við að hjón eða fjölskyldur geti setið saman. Á jarðarförum sé það eitthvað færra vegna kirkjukórsins.
„Síðan takmarkanir voru settar á er búið að streyma öllum jarðarförum nema einni á netinu,“ segir hún og bætir við að fólk virðist vera ánægt með að geta horft á streymi á Facebooksíðu kirkjunnar.
Sáluhjálp og ráðgjafarviðtölum hefur ekki farið fækkandi vegna faraldursins enda segir Sólveig Halla að auðvelt sé að virða sóttvarnarreglur í viðtölum. „Ég finn að róðurinn er farinn að þyngjast hjá fólki. Það sem gerist í svona aðstæðum er að fólk fer að hafa áhyggjur af fjármálum. Það hefur áhrif á líðan okkar og samskipti inni heimilum. Það má segja að almennt sé farið að gæta að fólk finni fyrir meira álagi og áhrifin eru víðtæk m.a. á andlega líðan.“
Í síðustu viku kláraðist að mála kirkjuna en að það er yfirleitt gert í skorpum yfir nokkur sumur. Þá eru einnig hafnar framkvæmdir við safnaðarheimilið í Bjarnahúsi. Þar er verið að fegra í kringum húsið en jafnframt að bæta aðgengi fyrir fatlaða.
/epe
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
