Kirkjan og innbúið tryggð fyrir 30 milljónir
Texti: Margrét Þóra Þórsdóttir
mth@vikubladid.is
-Líkur á að skammhlaup í rafmagnstöflu hafi valdið eldsvoðanum
Miðgarðakirkja í Grímsey sem brann til kaldra kola í liðinni viku var ásamt innbúi tryggð fyrir 30 milljónir króna. Alfreð Garðarsson formaður sóknarnefndar segir að einhugur sé meðal íbúa í eynni að byggja aðra kirkju. Hann segir Grímseyinga þakkláta fyrir góð viðbrögð og hlýhug sem þeir hafi fundið meðal landsmanna. Söfnun vegna byggingar á nýrri kirkju hófst þegar eftir eldsvoðanna og hafa safnast um 4 milljónir króna.
Íbúafundur var í Grímsey í gær þar sem mættu á milli 20 og 30 manns til að fara yfir stöðuna og næstu skref. „Það eru allir sammála um að byggja nýja kirkju, en það þarf að mörgu að hyggja. Flestir vilja svipaða kirkju en ekki alveg eins og sú sem var. Ný kirkja þarf að vera aðeins breiðari en sú gamla, hún var of þröng og það er erfiðleikum bundið að fara úr henni með kistur svo dæmi sé tekið,“ segir Alfreð.
Dapurlegt að horfa á sárið
Mörg verkefni séu fyrirliggjandi, eitt þeirra sé hreinsunarstarf í brunarústunum. Veður hamlaði fyrri hluta vikunnar að hægt væri að hefja þau störf. „Fólki þykir dapurlegt að horfa á sárið sem eldsvoðinn skildi eftir sig, en flestir eru að jafna sig á þessu áfalli og horfa fram á veginn,“ segir Alfreð. Enn á eftir að fara yfir garðinn og skoða tjón sem varð á legsteinum og krossum í námunda við kirkjuna.
Kirkjan sjálf og innbú hennar voru tryggð fyrir 30 milljónir króna, en Alfreð segir að Grímseyingar séu enn ekki komnir á þann stað að hafa reiknað út hversu mikið ný kirkja með öllu tilheyrandi hugsanlega kosti. „Við gælum við það að undirbúningur verði unnin í vetur og strax næsta sumar verði hægt að hefjast handa við að reisa nýja kirkju. En þá þarf allt að ganga upp,“ segir Alfreð. Á meðan ekki er kirkja í Grímsey sér hann fyrir sér að nauðsynlegar athafnir verði í félagsheimilinu Múla.
Alferð segir allt bendi til þess að kviknað hafi í út frá rafmagni. Líklegast sé að leki hafi orðið sem olli skammhlaupi í rafmagnstöflu. „Það er lítið sem ekkert eftir af húsinu, allt rústir eina og lítið sem hægt er að rannsaka, en menn telja að þetta sé líklegast skýringin,“ segir hann en enginn hafi komið í kirkjuna nokkra daga fyrir brunann eftir því sem best sé vitað.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
