KEA styrkir gullstelpurnar
Stjórn KEA hefur ákveðið að styrkja handknattleikslið KA/Þórs vegna árangurs liðsins á nýafstöðnu keppnistímabili þar sem liðið vann alla titla sem í boði voru. Þannig varð liðið meistari meistaranna, deildarmeistari og Íslandsmeistari eftir frækinn sigur í úrslitaeinvígi við Val í Valsheimilinu þann 6. júní 2021. Þetta kemur fram í tilkynningu sem KEA sendi frá sér rétt í þessu.
„Þetta er frábær árangur hjá stelpunum og okkur fannst vert að heiðra þær fyrir árangurinn. Við erum afar stolt af þeim og viljum með þessum hætti óska þeim áframhaldandi góðs gengis,“ segir Eiríkur Haukur Hauksson, stjórnarformaður KEA um hálfrar milljón króna styrk sem KEA færði handknattleiksliði KA/Þórs vegna árangurs þeirra á nýliðnu keppnistímabili.
„KEA styrkurinn kemur sér vel fyrir áframhaldandi starf og uppbyggingu liðsins. Við erum þakklátar fyrir stuðninginn og höldum áfram að gera okkar besta,“ segir Martha Hermannsdóttir, fyrirliði kvennaliðs handknattleiksdeildar KA/Þórs, en að hennar sögn er sigurvíman varla enn runnin af liðinu.
KEA veitir árlega styrki til ýmissa mála á sviði, menningar, íþrótta og lista. Styrkurinn til kvennaliðs handknattleiksdeildar KA/Þórs er hins vegar aukastyrkur sem samþykktur var af stjórn KEA einfaldlega vegna þess að stjórninni fannst að stelpurnar ættu umbun skilið fyrir þennan frábæra árangur vetrarins. „Þetta eru flottar stelpur og frábærar fyrirmyndir og ekki á hverjum degi sem Íslandsmeistaratitill kemur hingað til Akureyrar,“ segir Eiríkur.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
