13.nóvember - 20.nóvember - Tbl 46
Kallar eftir betri yfirsýn yfir ráðningar hjá Norðurþingi
Stjórn E-listans í Norðurþingi fundaði í gær og sendi í kjölfarið frá sér bókun þar sem áhyggjum er lýst yfir verkstjórn sveitarstjóra og störfum meirihlutans. Þetta er í annað sinn sem Kristján Þór Magnússon, sveitarstjóri fær slíka vantraustsyfirlýsingu. Kristján Þór er einnig er oddviti Sjálfstæðisflokks en fyrir helgi var það V-listinn, samstarfsflokkur í meirihluta sem lét bóka að verkstjórn sveitarstjórans væri ábótavant.
Í bókuninni segir að stjórn E-lista harmi þá stöðu sem blasi við í Norðurþingi sérstaklega þegar kemur að stjórnun, fjárhag og starfsmannahaldi. „Ljóst er að verkstjórn sveitarstjóra er stórlega ábótavant undanfarin ár; sem og skilningur og áhugi á hjólum atvinnulífsins,“ segir í bókuninni sem Vikublaðið hefur undir höndum. Þá er kallað eftir róttækum breytingum til þess að sveitarfélagið nái aftur fyrri styrk.
Finnst mál hafa týnst í kerfinu
Hafrún Olgeirsdóttir, fulltrúi E-listans í sveitarstjórn sagði í samtali við Vikublaðið að henni þyki ýmislegt betur mátt fara á þessu kjörtímabili, bæði í verkum sveitarstjóra og meirihlutans í heild. „Mér finnst málum ekki verið sinnt alveg nógu vel. Finnst þau hafa týnst svolítið í kerfinu. Við í minnihlutanum höfum fengið samþykktar tillögur oftar en einu sinni á sveitarstjórnarfundum og svo verður einhvern vegin ekkert um þær í kerfinu. Þannig að það hefur verið lítil framvinda mála. Mér finnst stundum vanta upp á upplýsingaflæði. Eins og kemur reyndar fram í þessari bókun frá E-listanum, þá finnst mér líka vanta upp á betri verkstjórn en það á ekki síður við um formenn og fulltrúa ráðanna eins og sveitarstjóra,“ segir Hafrún.
Spurð hvaða róttæku breytingum verið sé að kalla eftir segir Hafrún að það vanti skýrari stefnu. „Frá mínum bæjardyrum séð, finnst mér vanta skýrari stefnu og betri yfirsýn yfir ráðningar hjá sveitarfélaginu.“
Þá segist Hafrún liggja undir feldi varðandi framboð í næstu sveitarstjórnarkosningum sem fara fram 14. maí nk. „Ég er ekki búin að taka ákvörðun en þetta er allt í skoðun og mun skýrast á næstu vikum sennilega,“ segir hún að lokum.
Hér að neðan má sjá bókun stjórnar E-listans í heild sinni, en rétt er að taka það fram að bókunin er frá nýskipaðri stjórn E-listans en ekki fulltrúum sem sitja á listanum:
„Stjórn E-listans harmar þá stöðu sem blasir við í sveitarfélaginu Norðurþingi og lítur einkum að stjórnun sveitarfélagsins, fjárhag þess og starfsmannahaldi. Ljóst er að verkstjórn sveitarstjóra er stórlega ábótavant undanfarin ár; sem og skilningur og áhugi á hjólum atvinnulífsins.
Heilbrigt og vaxandi atvinnulíf er grunnforsenda hvers samfélags. Án þess verður ekkert.
Ekki verður lengur við unað og lífsnauðsynlegt fyrir íbúa og fyrirtæki Norðurþings að meirihluti sveitarstjórnar axli þá ábyrgð sem farið hefur forgörðum undanfarin misseri. Róttækra breytinga er þörf; til þess að sveitarfélagið Norðurþing nái aftur fyrri styrk og blómstri sem aldrei fyrr.“
Nýjast
-
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu.
