13.nóvember - 20.nóvember - Tbl 46
Kaldbakstjarnir verða áfram friðaðar
Kaldbakstjarnir. Mynd/Norðurþing
Skipulags- og framkvæmdaráð Norðurþings tók fyrir erindi frá Sigurjóni Benediktssyni að Kaldbaki. Í erindinu hvetur hann sveitarstjórn til að endurvekja friðun lands og vatna í sveitarfélaginu með tilliti til fuglalífs.
„Þó allt bendi til þess að raddir vorsins þagni einn daginn er enn að koma vor hér í Norðurþingi. Í tilefni af því að ég sá fyrstu kríuna hér við Kaldbakstjarnir í morgun vil ég hvetja ráðamenn bæjarins að endurvekja friðun lands og vatna í sveitarfélaginu þannig að fuglar geti átt hér skjól og skemmtun. Gott að byrja á Kaldbakstjörnum. Auglýsa þarf að fuglar og egg þeirra séu friðuð og brotaaðilar verði látnir svara til saka brjóti þeir reglur sem um landið gilda. Öllum hefur ávallt verið heimilt að skoða og njóta náttúrunnar við Kaldbakstjarnir og svo verður áfram vonandi,“ segir Sigurjón í erindinu. Þá bendir hann á að fugla og náttúruskoðun sé stór þáttur í komu ferðamanna hingað og það fari ekki saman að einhverjir fari rænandi og ru[pp]landi um land sveitarfélagsins. „Hvort sem umræddir fuglar eru friðaðir eða ekki samkvæmt öðrum lögum væri til fyrirmyndar að friða allt fuglalíf hér.“
Vorið 2003 bannaði þáverandi bæjarstjórn Húsavíkur alla eggjatöku í landi Kaldbaks og var sú friðun auglýst árlega til margra ára. Nú er langt síðan friðun svæðisins hefur verið auglýst sérstaklega. Í gildandi aðalskipulagi er umhverfi Kaldbakstjarna skilgreint sem hverfisverndarsvæði Hv4 og mikilvægt búsvæði fugla.
Skipulags- og framkvæmdaráð lagði til við sveitarstjórn að öll fuglaveiði og eggjataka í umhverfi Kaldbakstjarna sunnan Húsavíkur verði áfram óheimil. Afmörkun friðaðs svæðis sé til samræmis við afmörkun hverfisverndarsvæðis Hv4 í gildandi aðalskipulagi. Framkvæmda- og þjónustufulltrúa verði falið að auglýsa bannið. Ákvörðunin gildi þar til annað hefur verið ákveðið. Sveitarstjórn samþykkti tillöguna.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
