Jólin í Grímsey
Jóladagskrá Grímseyinga hófst liðna helgi en þá héldu Kiwanis klúbbur eyjarinnar og Kvenfélagið Baugur sitt árlega jólahlaðborð í félagsheimilinu Múla og tóku um 40 manns þátt. Þá var einnig kveikt á jólatrénu sem stendur við húsið. Greint er frá þessu á vef Akureyrarbæjar.
Til stendur að halda árlega skötuveislu í dag, Þorláksmessu, en fyrirséð er að seinka þurfi veislunni þangað til að ferjan mætir því ekki er hægt að halda skötuveislu án viðeigandi meðlætis. Það skortir meðal annars rófur og kartöflur sem nauðsynlegt er að hafa með skötunni og saltfisknum sem verða á borðum þennan dag.
Á annan í jólum mun kvenfélagið Baugur halda sitt árlega jólaball sem haldið hefur verið nær frá stofnun félagsins sem var 1957. Þar verður dansað í kringum jólatréð í félagsheimilinu Múla, boðið upp á létta hressingu og jólasveinar mæta og gleðja börnin.
Þann 27. desember verður jólamessa í félagsheimilinu þar sem séra Oddur Bjarni Þorkelsson sóknarprestur og séra Magnús G. Guðmundsson annast. Það er svo einlæg von Grímseyinga að á næsta ári verði messað á jólum í nýrri Miðgarðakirkju. Þess má einnig geta að þótt nú sé myrkasta skammdegið stöðvar það ekki framkvæmdir við nýju kirkjuna en smiðirnir stefna á að mæta milli jóla og nýárs og halda áfram að leggja flísar á þakið, verk sem er um það bil hálfnað.
Áfram er unnið að söfnun fyrir framkvæmdum, kvenfélagið hélt happdrætti fyrir stuttu og söfnuðust þá um 900.000 krónur. Þeir sem vilja leggja verkefninu lið er bent á söfnunarsíðu kirkjunnar sem skoða má hér.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
