13.nóvember - 20.nóvember - Tbl 46
Jólasveinar einn og fleiri hafa yfirtekið söfnin
Hefðbundnu sveinarnir eftir myndum Tryggva Magnússonar sem komu út í bókinni Jólin koma ásamt ljóðum Jóhannesar úr Kötlum koma við sögu á jólasýningunni. Mynd/Hörður Geirsson
Þeir eru bæði kunnuglegir og framandi jólasveinarnir sem birtast gestum á jólasýningu Minjasafnsins á Akureyri, Jólasveinar einn og fleiri. Sýningin var opnuð, fimmtudaginn 25. Nóvember og stendur til 9. janúar. Jólasýningin er opin almennum gestum daglega frá 13-16.
Haraldur Þór Egilsson safnstjóri á Minjasafninu segir að birtist á sýningunni hinir
hefðbundnu sveinar eftir myndum Tryggva Magnússonar sem komu út í bókinni Jólin koma ásamt ljóðum Jóhannesar úr Kötlum. Rétthafar Tryggva veittu safninu góðfúslegt leyfi til að nota myndir hans á sýningunni og mynda þær umgjörð hennar ásamt munum sem tengjast jólasveinunum.
Í spor jólasveinanna
Hann segir að ýmsir gripir verði til að handleika vel sprittuðum höndum. Þannig er hægt að setja sig í spor jólasveina og gefa ímyndunaraflinu lausan tauminn. Einnig að er að stinga höfði í skyrtunnu og eflaust mun mörgum þykja það spennandi. Þá eru alvöru jólasveinabúningar á safninu og leyfilegt að máta. „Og svo er aldrei að vita nema í ljós komi að ver af jólasveinunum var sterkastur,“ segir Haraldur.
Hins vegar fá minna þekktu sveinarnir og sveinkurnar líka sitt rými á sýningunni. Haraldur segir ástæðulaust að rífast um hvort jólasveinarnir séu 9 eða 13 því jólasveinanöfnin fylla næstum 9. tuginn. Listakonan Ingibjörg H. Ágústsdóttir hefur myndgert fjóra af þessum ókunnu jólasveinum og sveinkum og birtast fleiri á næsta árum. Þeir sem frumsýndir eru nú eru Lungnaslettir, Flotsokka, Flórsleikir og Svellabrjótur.
Heimili Grýlu og Leppalúða til sýnis
Það er heldur ekki á hverjum degi sem fjöll eru færð í hús. Listamaðurinn Þórarinn Blöndal var fenginn til að gera heimili Grýlu, Leppalúða og jólasveinanna og er hægt að skyggnast inn í fjallið og sjá hvernig jólasveinarnir búa. „Kannski hefur þeim fjölgað milli ára því það hafa bæst við herbergi í fjallinu,“ segir Haraldur.
Hann segir að sýningin sé liður í fræðslustarfi safnsins en þar hefur jóladagskráin leikið stórt hlutverk áratugum saman. Leik- og grunnskólabörn fá að kynnast jólahaldi áður fyrr og þeim siðum sem fylgdu jólunum. Þannig verður jólatrjám gerð sérstök skil í Nonnahúsi og myrkrinu í Minjasafnskirkjunni.
/MÞÞ
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
