Í forgangi verði að fjarlæga ökutæki og lausamuni sem blasa við frá þjóðvegi
Starfsleyfi Auto ehf. vegna reksturs bílapartasölu að Setbergi á Svalbarðsströnd er fallið úr gildi fyrir nokkrum árum. Á lóð fyrirtækisins er talsvert magn ökutækja í misjöfnu ástandi auk gáma og annarra lausamuna. Ábendingar hafa borist til Heilbrigðiseftirlits Norðurlands eystra varðandi umgengni og slæma ásýnd lóðarinnar. Nefndin beinir því til eigenda fyrirtækisins að hefja þegar tiltekt á lóðinni.
Leifur Þorkelsson framkvæmdastjóri Heilbrigðiseftirlits Norðurlands eystra segir starfsleyfið hafa fallið úr gildi í júní árið 2020, ekki hafi verið sótt um endurnýjað leyfi og það því ekki veitt. Rekstur bílapartasölunnar sé því ekki í samræmi við lög um hollustuhætti og mengunarvarnir. „Umgengni á lóðinni hefur því miður ekki verið til fyrirmyndar um tíðina. Fyrir nokkrum árum brann bíll á svæðinu og í kjölfarið fór sveitarfélagið fram á dómsúrskurð til þess að hreinsa hluta lóðarinnar. Í kjölfarið lagðist ásandið tímabundið en núna virðist það aftur vera að færast í sama horf,“ segir Leifur.
Bílar í eigu fyrirtækisins hafa verið áberandi í bílastæðum og við götur á Akureyri, t.d. við Norðurtorg, ráðhúsið, í Akurgerði og víða um bæjarlandið, í flestum tilvikum án vitundar eða leyfis bæjaryfirvalda eða lóðarhafa. Þá er fjöldi bifreiða við Hamragerði nr. 15 á Akureyri.
Hirtu upp 7 númerslausa bíla
Leifur segir marga bílanna á númerum en skráðir „úr umferð“ í ökutækjaskrá og því ekki í almennri notkun. Í janúarmánuði síðastliðnum voru 7 númerslausir bílar í eigu Auto ehf teknir í vörslu Akureyrarbæjar að undangenginni aðvörun með álímingarmiða. „Heilbrigðisnefnd beinir því til fyrirtækisins að taka upp verklag sem tryggir að ökutæki á þess vegum verði geymd við viðunandi aðstæður á til þess ætluðum svæðum á vegum á vegum fyrirtækisins,“ segir hann.
Einnig fer nefndin fram á að fyrirtækið hefji þegar tiltekt á lóð sinni og í forgang verði sett að fjarlægja ökutæki og lausamuni sem blasa við frá þjóðvegi. Að mati nefndarinnar þarf Auto ehf. að taka upp verklag sem tryggir að ökutæki á þess vegum séu geymd á til þess ætluðum svæðum á vegum fyrirtækisins.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
