Húsnæði Fangelsins á Akureyri að mestu staðið autt í rúmt ár
-
Nauðsynlegar breytingar framundan svo lögreglan geti nýtt húsið
Húsnæðið sem áður hýsti Fangelsið á Akureyri hefur að mestu staðið autt í rúmt ár. Fangelsinu var skellt í lás um miðjan september í fyrra. Biðlaunagreiðslum til fangavarða er nú nýlega lokið. Fyrirhugað er að nýta þess húsnæði undir starfsemi embættis Lögreglustjórans á Akureyri en áður þarf að gera nauðsynlegar endurbætur á því.
„Það mun koma sér vel að geta rekið aðrar einingar á meiri afköstum. Reksturinn hefur, eins og hjá mörgum öðrum stofnunum, verið í járnum en það er ljóst að í þessu felst hagræði,“ segir Páll Egill Winkel fangelsismálastjóri. Hann segir að útgjöld vegna fangelsins hafi legið fyrir og allar áætlanir staðist. Aðrar einingar verða nýttar betur og framlög til málaflokksins lækkuðu ekki þó Fangelsinu á Akureyri hafi verið lokað. Áætlað er að sparnaður við að loka því nemi um 65 milljónum króna árlega. Allir fangar afplána nú í þeim fjórum fangelsum sem eftir eru, Litla-Hrauni, Sogni, Kvíabryggju og Hólmsheiði.
Kostnaður við að flytja gæsluvarðhaldsfanga suður 250 þúsund krónur
Frá því fangelsinu var lokað í fyrra hafa fjórir fangar sem úrskurðaðir hafa verið í gæsluvarðhald verið fluttir suður til að sæta því. Kostnaður er samkvæmt upplýsingum frá dómsmálaráðuneytinu um 250 þúsund krónur á hvern fanga. Kostnaðurinn nemur því einni milljón króna. Á bilinu 3 og upp í 19 gæsluvarðhaldsúrskurðir hafa verð kveðnir upp á Norðurlandi eystra undanfarin ár, flestir árið 2018 eða 19 talsins og fæstir ári síðar þegar þeir voru 3.
Fangelsi hefur verið starfrækt á Akureyri frá árinu 1978, en það var endurbyggt árið 2008. Pláss var fyrir 10 fanga á hverjum tíma. Alls afplánuðu 120 fangar óskilorðsbundna fangelsisrefsingu að hluta eða öllu leyti frá upphafi árið 2015 og þar til því var lokað, en ef farið er allt til ársins 1985 hafa um eitt þúsund fangar verið þar samkvæmt upplýsingum frá dómsmálaráðuneytinu.
Breytingar gerðar á húsnæði
Ríkið á húsnæðið og fyrir dyrum stendur að gera á því nauðsynlegar breytingar svo embætti lögreglustjórans geti nýtt það undir sína starfsemi. Aðstaða var orðin of lítil í því húsnæði sem embættið hafði til umráða. Agnes Björk Blöndal saksóknarfulltrúi hjá Lögreglustjóranum á Norðurlandi eystra segir að yfir standi örútboð vegna framkvæmda sem fyrirhugað er að fara í. Þeim á að ljúka á fyrri hluta ársins 2022.
/MÞÞ
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
