13.nóvember - 20.nóvember - Tbl 46
Hús vikunnar: Brekkugata 3
Gleðilegt sumar kæru lesendur. Í fyrsta pistli sumarsins erum við stödd í miðbænum, en við vestanvert Ráðhústorg stendur eitt stærsta timburhús bæjarins, Brekkugata 3. Þá hafa líklega fá hús hér í bæ tekið viðlíka miklum breytingum frá upphafi og Brekkugata 3. Húsið er þrílyft bárujárnsklætt timburhús á steinsteyptri jarðhæð, alls á fjórum hæðum, og með lágu aflíðandi risi með broti (mansard). Á bakhlið eru útskot og stigbygging og þá er húsið samtengt bakhúsi, Brekkugötu 3b og er það hús steinsteypt.
Brekkugötu 3 reisti hinn þýski Hinrik Bebensee árin 1902-03. Hann var klæðskeri eða skraddari og bjó og stundaði iðn sína í húsinu. Árið 1907 byggði Bebensee við húsið til norðurs og breikkaði húsið um „sex álnir“ (ca. 3,8m) til vesturs. Upprunalega var húsið tvær hæðir með lágu risi en á þriðja áratugnum réðst þáverandi eigandi, Sveinn Bjarnason, í miklar stækkanir á húsinu, m.a. byggði hann þriðju hæð þess. Árið 1960 var byggt við jarðhæð hússins til suðurs og rúmum tveimur áratugum síðar var reist tengibygging milli hússins og bakhússins Brekkugötu 3b. Það hús var byggt í áföngum á 4. og 5. áratugnum. Þannig er breytingasaga hússins orðin löng og viðamikil.
Húsið hefur frá upphafi hýst hina ýmsu þjónustu- og iðnaðarstarfsemi, allt frá tíð klæðskerastofu Bebensee og yrði allt of langt mál að telja það allt upp í þessari grein. Þó má nefna m.a. Sparisjóð, hárgreiðslustofur, saumstofu og verslunina Tiger. Efri hæðir hafa alla tíð verið íbúðarrými. Ljóst má vera, að í Brekkugötu 3 hafa vafalítið þúsundir manna starfað og búið og fólk á öllum aldri á eflaust ýmsar minningar um einhverja verslun eða starfsemi þarna. Á efri hæðum hússins eru nú nokkrar leiguíbúðir en veitingastaðurinn T-Bone Steakhouse á jarðhæð. Myndin er tekin þann 18. ágúst 2015.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
