Hugmynd um uppsetningu sleðabrautar (Alpine Coaster) í Hlíðarfjalli
Á fundi bæjarráðs i gær fimmtudag var tekin fyrir greinargerð sem samþykkt var á fundi umhverfis og mannvirkjaráðs þann 16 maí varðandi niðurstöðu dómnefndar í útboði á nýrri afþreyingu í Hlíðarfjalli.
Forsaga málsins er sú að umhverfis- og mannvirkjasvið Akureyrarbæjar auglýsti eftir aðila til að koma með nýja afþreyingu á eða í kringum svæði Hlíðarfjalls. Óskað var eftir umsóknum í opnu útboði í gegnum útboðsvef Akureyrarbæjar, sem var auglýstur á heimasíðu Akureyrarbæjar ásamt staðarfjölmiðlum. Umsóknir bárust frá 2 aðilum og tók dómnefnd aðstöðu til þeirra. Fimm manna dómnefnd var skipuð til að fara yfir umsóknir sem bárust.
Sú sem áhugaverðust þótti er að setja upp sleðabraut (Alpine Coaster) Umsækjandi óskar eftir því að setja upp braut í landi Hlíðarfjalls, nánar tiltekið austan við bílastæði skíðasvæðis í Hlíðarfjalli og vestan við Hálendur. Brautin yrði um 1,1 – 1,3 km á lengd með um 850 m „lyftu“ eða samtals um 2.000 metrar. Áætluð opnun er sumarið 2025 ef samningaviðræður og deili- og skipulagsmál ganga eðlilega fyrir sig.
Í umsögn áður nefndrar dómnefndar segir:. ,,Tillagan fellur vel að heildarmynd Hlíðarfjalls en er þó lítið háð innviðum skíðasvæðisins og getur staðið sjálfstætt. Vannýtt svæði á milli bílastæðis Hlíðarfjalls og Hálanda yrði með þessu móti nýtt betur. Tillagan hefur mikið afþreyingargildi, hefur jákvæð áhrif á svæðið í heild og samræmist vel núverandi starfsemi. Hugmyndin yrði viðbót og nýjung á svæðinu og ætti að auka aðdráttarafl þess og upplifun fólks á svæðinu. Gestum myndi þar með fjölga á svæðinu allt árið um kring. Heilsársopnun samræmist vel þeirri þróun sem átt hefur sér stað undanfarin ár með hjólagarði og sumaropnun í skíðalyftum. Með þessu móti yrði rennt enn frekari stoðum undir þá viðleitni að gera Hlíðarfjall að heilsársáfangastað til afþreyingar og útivistar. Tillagan fékk 68,4 stig af 75 í skilagögnum 1 (91,2% af stigunum) og voru því skilagögn 2 opnuð. Framkvæmdar- og rekstraráætlun er sett upp með sannfærandi og trúverðugum hætti. Framkvæmdaáætlun verkefnisins virðist raunhæf og rekstraráætlun er talin trúverðug, raunhæf og vel uppsett. Bjóðandinn hefur mikla reynslu og fagþekkingu á sviði ferðaþjónustu, bæði sem rekstraraðili afþreyingar og með aðkomu að ýmis konar ferðaþjónustuverkefnum. Tillagan fékk 24,2 af 25 mögulegum stigum í skilagögnum 2 (96,8% af stigum). Heildareinkunn tillögu er því 92,6 stig af 100 mögulegum (92,6% af stigunum).“
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
