13.nóvember - 20.nóvember - Tbl 46
Hugmynd um að Iðnaðarsafn verði hluti af sögu- og minjasafni
Þorsteinn E. Arnórsson safnstjóri Iðnaðarsafnsins á Akureyri. Sýningin Terra fyrir herra var opnuð á safninu í sumar, en hún er til heiðurs Jóni E. Arnþórssyni sem hóf söfnun iðnminja á Akureyri árið 1993. Mynd af Jóni sést á bak við Þorstein. Mynd MÞÞ
„Auðvitað er það svolítið skítt að enginn sjái ástæðu til að tala við safnstjórann, en það stendur kannski til bóta,“ segir Þorsteinn E. Arnórsson safnstjóri Iðnaðarsafnsins. Sótt var um í október síðastliðnum um að gerður yrði styrktarsamningur milli Akureyrarbæjar og Iðnaðarsafnsins til 5 ára.
Stjórn Akureyrarstofu fjallaði um málið og kom fram að í þeirri fjárhagsáætlun sem fyrir liggur nú sé ekki gert ráð fyrir framlögum til reksturs Iðnaðarsafnsins. Akureyrarstofa geti því ekki orðið við þessu erindi. Í drögum að safnastefnu Akureyrarbæjar sem bæjarráð hefur samþykkt kemur fram að kanna á fýsileika þess að Iðnaðarsafnið verði hluti af sameinuðu sögu- og minjasafni og nái sá kostur ekki að verða að veruleika er til vara bent á þann kost að Iðnaðarsafnið sameinist Minjasafninu á Akureyri. Markmið með þeim ráðahag sé að varðveita einstaka- iðnaðar og atvinnusögu Akureyrar sem Iðnaðarsafnið hafi haldi utan um og miðlað. „Mikilvægt er að Akureyrarbær styðji við varðveislu og sýnileik þessarar sögu til framtíðar,“ segir í bókun stjórnar Akureyrarstofu. Fundað verður um þessar hugmyndir í dag, fimmtudag.
Launalaus safnstjóri í 10 mánuði
Safnstjóra Iðnaðarsafnsins var sagt upp störfum vegna fjárhagserfiðleika safnsins fyrr á þessu ári og hljóp Þorsteinn þá í skarðið. Hann hefur gegnt stöðu safnstjóra launalaust frá því í febrúar á þessu ári eða í 10 mánuði. Þorsteinn var í fyrri tíð formaður Iðju félags verskmiðjufólks og rann því blóðið til skyldunnar. Stofnandi safnsins, Jón Arnþórsson sem lést fyrir 10 árum síðan, árið 2011 hefði orðið níræður nú fyrir skömmu og segir Þorsteinn að hefði ekki getið hugsað sér að safnið lognaðist út af á því níræðisárstíð Jóns. „Ég gat ekki hugsað þá hugsun til enda að skellt yrði í lás á því ári þegar við minnist forsprakkans sem hóf þetta ævintýri, þannig að ég tók að mér að stýra safninu,“ segir Þorsteinn.
Gerir hann ráð fyrir að ljúka störfum um áramót, enda hafi ekki fengist neitt styrkur til að reka safnið áfram, en hugmyndir kynntar um að spyrða saman Iðnaðar- og Minjasafn. Telur Þorsteinn að þó söfnin tvö yrðu sameinuð blasi við að þau muni áfram berjast í bökkum. Hann segir að vissulega greiði Akureyrarbær fyrir húsnæði safnsins, hita og rafmagn, en annað fé sem til þar hefur safnið sjálft kríað út með styrkjum hér og þar. „Nú geri ég ráð fyrir að minn tími sé kominn, ég hef ekkert að gera hér lengur sýnist mér,“ segir Þorsteinn.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
