13.nóvember - 20.nóvember - Tbl 46
Hraðamyndavél sett upp við Hörgárbraut
Þessar ungu stúlkur voru með skýr skilaboð á samstöðufundinum sl. föstudag þar sem íbúar í grennd við Hörgárbraut vilja tafarlausar úrbætur.
Lögreglustjórinn á Norðurlandi eystra ásamt Akureyrarbæ og Vegagerðinni hafa komist að samkomulagi um uppsetningu hraðamyndavéla sem til stendur að setja upp við gangbrautarljós á Hörgárbraut á Akureyri. Þar hafa orðið nokkur slys á undanförnum árum þar sem keyrt er á gangandi vegfarendur, síðast febrúar á þessu ári þegar ekið var á 7 ára stúlku.
Íbúar á svæðinu hafa helst kallað eftir undirgöngum og var efnt til mótmæla vegna aðgerðarleysis bæjarins sl. föstudag. Samkvæmt upplýsingum blaðsins er óvíst hvað slík göng myndu kosta og fara þarf í grunnrannsóknir á svæðinu áður en sú ákvörðun yrði tekin.
Uppsetningu á myndavélabúnaði sem er hraða- og rauðljósamyndavél verður við gangbrautarljós á Hörgárbraut skammt norðan við Tryggvabraut og við Stórholt. Á Facebooksíðu lögreglunnar á Akureyri segir að aðgerðin sé liður í bættu umferðaröryggi á umræddum vegkafla, ekki síst fyrir börn sem leggja leið sína yfir Hörgárbraut á leið sinni til og frá skóla.
„Markmiðið með aðgerðinni er að tryggja að hámarkshraði sé virtur og að auka virðingu fyrir rauðu ljósi almennt. Fyrirhugað samstarf Lögreglustjórans á Norðurlandi eystra, Akureyrarbæjar og Vegagerðarinnar byggir á fordæmi samstarfs Lögreglunnar á Höfuðborgarsvæðinu, Reykjavíkurborgar og Vegagerðarinnar fyrir hraðamyndavélar sem eru reknar í Reykjavík. Um er að ræða nýja tegund af myndavélum sem hafa ekki verið teknar í notkun hérlendis áður en hún er útbúin radartækni til hraðamælinga og verður vélin beintengd umferðarljósunum sem mun nema stöðu ljósanna hverju sinni,“ segir í færslu lögreglunnar.
Reiknað er með því að hafist verði handa við uppsetningu á umræddum búnaði eftir u.þ.b. 2 vikur.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
