Hópur stúdenta í sjávarútvegsfræði og líftækni heimsótti Tromsø í Noregi
Í byrjun nóvember á síðasta ári fór hópur stúdenta í sjávarútvegsfræði og líftækni í ferð til Tromsø í Noregi ásamt Magnúsi Víðissyni brautarstjóra í sjávarútvegsfræði. Tilgangur ferðarinnar var að kynnastbetur Háskólanum í Tromsø þar sem meðal annars er í boði nám í sjávarútvegsfræði og sjávarlíftækni. Þá var ferðin einnig nýtt til þess að fara heimsóknir í fyrirtæki og stofnanir á svæðinu sem tengjast fræðunum. Ferðin var styrkt af Nordplus.
„Mér fannst mest gaman að hitta starfsfólk sem er útskrifað úr því námi sem ég stunda og er í mjög góðum stöðum innan fyrirtækis í öðru landi. Það gefur manni ákveðið sýnishorn á hversu langt maður getur farið með gráðuna,“ segir Friðbjörg María Björnsdóttir, stúdent í sjávarútvegsfræði.
Í ferðinni voru margvísleg fyrirtæki og stofnanir heimsótt og ber þar helst að nefna Nergård As, Elvevoll Settefisk AS, Ewos fiskeldisfóðurverksmiðju, Biotech North, Marbank og Norska sjávarafurðarráðið (Norges Sjømåtråd).
„Við leggjum mikið upp úr því að sýna fram á hversu fjölbreytt störf stúdentar geta valið um að námi loknu. Svo er auðvitað gaman að sjá hversu vel „okkar“ fólki vegnar utan landssteinanna,“ sagði Magnús Víðisson brautarstjóri í sjávarútvegsfræði sem fór með hópnum.
Í Háskólanum í Tromsø fengu stúdentar kynningu á stoðþjónustunni og námsframboðinu auk þess sem verkefni var lagt fyrir þau í formi leiks. Í leiknum þurftu stúdentar að búa til fiskveiðistjórnunarkerfi fyrir nýja tegund í tilbúnu landi en á sama tíma að reyna að þóknast mismunandi hagsmunaaðilum sem tengjast sjávarútveginum, byggðum og umhverfinu. Stúdentar kynntu síðan niðurstöður fyrir kennurum og stóðu sig öll með prýði.
Hópurinn var sérstaklega styrktur af Jóni Inga Björnssyni hjá Nergård AS og Sigmari Arnarssyni hjá Elevoll Settefisk AS – báðir brautskráðir sjávarútvegsfræðingar frá Háskólanum á Akureyri.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
